Клопп "Уотфорд" устидан қўлга киритилган ғалабадан кейин нималар деди?

Юрген Клопп «Ливерпуль» жамоасининг «Уотфорд» устидан қозонилган ғалабасидан (2:0) кейинги фикрлари билан ўртоқлашди.

“Биз керакли вақтда яхши ҳаракат қилдик. Биринчи гол ўйинимизда ижобий таъсир кўрсатди. Рой Хожсон қандай жамоани ташкил қилишни билади ва у "Уотфорд"да бу ишни амалга оширгани тахсинга лойиқ.

Биз янада яхшироқ ўйнашимиз мумкин эди, лекин икки ҳафталик танаффусдан туфайли ва ўйиннинг эрта бошланиши ҳақиқатда қийин бўлди, аммо барча жамоаларда бир хил муаммолар бор. Мен халқаро танаффусдан кейин мавсумнинг энг яхши ўйинини кўрдим деб ўйлайман. Шу билан бирга, биз жуда тажовузкор эдик ва ўйинни назорат қилдик.

- Пенальти ҳақида қандай фикрдасиз?

- Мен ўша вазиятни кўрмадим. Эпизодда бошқа футболчилар ҳам бор эди. Агар қоидабузарлик бўлса, бунинг учун ВАР мавжуд.

- Жо Гомеснинг ўйинига қандай баҳо берасиз?

- Юқори. У битта голни ташкил этди ва иккинчи бўлимда голга айланиши мумкин бўлган яна бир ажойиб пас узатди.

Трентни қандай алмаштириш мумкин? Мен ундан Трент каби ўйнашни сўрамадим, Жо Гомес каби ўйна, дедим. У ажойиб ўйинчи, мавсум охирида у кўпроқ ўйинларга эга бўлади.

- Жота ҳақида нима дея оласиз?

- Юқори савиялик футболчи! У ҳақиқатан ҳам ўйин тақдирини ҳал қилиб юборади. Ажойиб пасларга эга ва бош билан яхши зарба бера олади.

Мен икки муҳим ойдан умид қиляпман. Бу ҳафта май ойи қандай бўлиши борасида кўп нарсани ҳал қилиши мумкин. Йигитлар биринчи даражали заҳирани яратишди, энди биз ундан фойдаланишимиз керак.

Лекин битта совринни ҳам ютиш қийин. Биз ўйиндан ўйинга ўтишимиз керак, ҳар бир ўйинда 100 фоиз кучимизни беришимиз керак. Умид қиламанки, барча йигитлар формада. Премьер-лига - энг муҳим мусобақа", - деди «Ливерпул» бош мураббийи.