Дунёнинг айни дамдаги энг қиммат футболчилари аниқланди. Роналду ва Месси топ-100 ликда ҳам йўқ

Килиан Мбаппе CIES талқинига кўра дунёнинг энг қиммат футболчилари рейтингида биринчи ўринни эгаллади.

CIES Football Observatory тадқиқот маркази дунёнинг энг қиммат футболчилари рўйхатини тузиб, уларнинг трансфер қийматини баҳолади.

Рейтингни 205,6 миллион еврога баҳоланган «ПСЖ» ҳужумчиси Килиан Мбаппе бошқармоқда. «Реал» форварди Винисиус Жуниор (185,3 млн евро) ва «Манчестер Сити» ҳужумчиси Эрлинг Ҳоланд (152,6 млн евро) 2 ва 3-ўринларни банд этди.

Кучли бешликка Педри («Барселона», 135,1) ва Жуд Беллингҳем («Боруссия Д» 133,7) якун ясаб берди.

Қайд этиш керак, ушбу рейтингда Криштиану Роналду («Манчестер Юнайтед») ва Лионель Месси («ПСЖ») топ-100 таликка ҳам кира олмади.

CIES Football Observatory талқинига кўра дунёнинг энг қиммат футболчилари:

1. Килиан Мбаппе, «ПСЖ» – 205,6 млн евро;
2. Винисиус Жуниор, «Реал» – 185,3;
3. Эрлинг Ҳоланд, «Манчестер Сити» – 152,6;
4. Педри, «Барселона» – 135,1;
5. Жуд Беллингем, «Боруссия Д» – 133,7;
6. Фил Фоден, «Манчестер Сити» – 124;
7. Френки де Йонг, «Барселона» – 112,5;
8. Луис Диас, «Ливерпуль» – 110;
9. Рубен Диаш, «Манчестер Сити» – 109,6;
10. Ферран Торрес, «Барселона» – 109,5.