Жаҳон чемпионати кашфиётлари

Жаҳон чемпионати бир қатор ёрқин юлдузларга эга бўлди, десак адашмаган бўламиз. Уларнинг орасида ҳамма таниган-билган номзларнинг борлиги бу табиий ҳолат. Лекин айнан шу чемпионатда ўзи кўрсатган иқтидорлар ҳам талайгина. Бугун уларнинг энг ёрқинлари ҳақида гаплашамиз.

Доминик Ливакович, дарвозабон, Хорватия, 8,5 миллион евро

27 ёшли дарвозабон жаҳон чемпионатида олтита ўйин ўтказиб, шунча гол ўтказиб юборди. Ливакович Хорватияга иккита пеналтилар сериясида ғалаба қозонишга ёрдам берди, японияликлар ва бразилияликларнинг жами тўртта зарбасини қайтарди. Доминик Загребнинг “Динамо” клуби вакили саналади. 2015 йилдан буён дарвозабон клуб сафида 262 та ўйин ўтказган ва ўз дарвозасидан 213 та гол ўтказиб юборган. Унинг "Динамо" билан шартномаси 2024 йилнинг ёзига қадар амал қилади, аммо "Бавария" бу қишда Ливаковични ўз сафига қўшиб олишга ҳаракат қилади.

Мюнхенликлар хорватни жароҳат олган Мануэль Нойерга ўринбосар сифатида кўрмоқда. Sky Sports журналисти Флориан Плеттенберг хабарига кўра, "Бавария" Ливакович атрофидагилар билан музокараларни бошлаган. Мулоқот дастлабки босқичда бўлса-да, тўлақонли таклиф ҳақида гапиришга ҳали эрта.

Коди Гакпо, ярим ҳимоячи, Нидерландия, 45 миллион евро

23 ёшли вингер жаҳон чемпионатида бешта ўйинда майдонга тушиб, Сенегал, Эквадор ва Қатар термаларига гол урди ва бир вақтнинг ўзида бир нечта клублар эътиборини тортди. ESPN хабарига кўра, “Манчестер Юнайтед” бош мураббийи Эрик тен Хаг Криштиану Роналду ўрнига Коди Гакпони олиб келмоқчи. Шунингдек, футболчининг жаҳон чемпионатидаги ўйинини "Барселона" диққат билан кузатиб борди.

Гакпонинг ўзи топ-клубларнинг бундай эътиборидан ажабланмайди. ПСВ директори Марсель Брандснинг айтишича, қанот ҳужумчиси январ ойида сотилиши мумкин, бироқ Эйндховен учун рекорд нархга.

Гакпо ПСВ билан 2026 йилнинг ёзига қадар шартнома имзолаган. Коди клуб тарбияланувчиси ҳисобланади ва 2018 йилдан буён ПСВ сафида 159 та ўйинда майдонга тушиб, 55 та гол ва 50 та голли узатмага муаллифлик қилган.

Софьян Амрабат, ярим ҳимоячи, Марокаш, 10 млн евро

26 ёшли ҳимоячи жаҳон чемпионатидаги ҳар бир ўйинда майдонга тушди. Амрабат - майдоннинг ҳар бир қисмида тўп учун курашадиган ҳақиқий жангчи. 90 мин нашри хабарига кўра, "Тоттенхэм" ярим ҳимоячи учун курашга қўшилди. “Шпорлар” Амрабатни 2022 йилнинг январида сотиб олишни режалаштирганди, аммо улар Родриго Бентанкур билан шартнома имзолади. Клуб раҳбарияти футболчини 2023 йилнинг қишида сотиб олишни режалаштирмоқда, бироқ футболчининг ортидан лондонликлар майдон марказини кучайтиришга жуда муҳтож бўлган "Ливерпуль" билан рақобатлашишлари керак. Амрабатга бўлган қизиқиш ортганига қарамай, "Фиорентина" Софянни ўзида сақлаб қолмоқчи...

Амрабат “Фиорентина” сафида 2020 йилнинг январидан бери ўйнайди. Унинг ҳисобида 78 та ўйинда ва битта гол бор.

Энцо Фернандес, ярим ҳимоячи, Аргентина, 35 миллион евро

21 ёшли марказий ярим ҳимоячи жаҳон чемпионатидаги ҳар бир ўйинда майдонга тушиб, Мексика дарвозасига гол урди ва Польшага қарши баҳсда голли узатма берди. Энцо “Бенфика” сафида 2022 йилнинг ёзидан буён ўйнайди. Шартнома 2027 йилнинг июнигача амал қилади. Жаҳон чемпионатидаги муваффақиятли ўйин туфайли ярим ҳимоячига "Реал" ва "Ливерпуль" қизиқиш билдирган. “Қаймоқранглилар” аргентиналикни Жуд Беллингемга муқобил вариант сифатида кўрмоқда, деб ёзади Маrcа. "Ливерпул"га келсак, улар футболчи учун "Ливерпуль" 120 миллион фунт тўлашга тайёр.

Гонсалу Рамуш, ҳужумчи, Португалия, 24 миллион евро

21 ёшли ҳужумчи Португалия ва Швейцария ўртасидаги ўйин қаҳрамонига айланди. Рамос хет-трик қайд этди ва голли узатмани амалга оширди. Инсайдер Фабрицио Романонинг сўзларига кўра, Рамуш "Манчестер Юнайтед"нинг навбатдаги трансфер мақсадлари рўйхатида.

"Юнайтед" кўплаб вариантларни кўриб чиқмоқда. Гакпо ҳақида биламиз, аммо бошқа вариантлар ҳам бор. Улар энг яхши вариантни танлаш учун муҳокама қилишда давом этмоқда. Рамуш жорий мавсумда “Бенфика” сафида 21 та ўйинда майдонга тушиб, 14 та гол урди ва 6 та голли узатмани амалга оширди.