АПЛ. Салоҳ 3 та ассист қайд этган ўйинда «Ливерпуль» сафарда «Лестер»ни таслим этди (видеошарҳ)

Англия чемпионатининг 36-тури доирасида «Ливерпуль» сафарда «Лестер» клуби меҳмони бўлиб, йирик ҳисобда ғалаба қозонди.

Учрашувнинг 33-дақиқасида Кертис Жонс яқин масофадан ҳисобни очган бўлса, орадан 3 дақиқа ўтиб 22 ёшли футболчи яна "Лестер" аниқ зарба билан ҳисобдаги фарқни оширди. Ҳар иккалага голга Салоҳ ассистентлик қилди.

Иккинчи бўлимда Муҳаммад Салоҳ учинчи ассистни амалга оширди. Унинг жаримадан етказган узатмасини Трент Александер-Арнолд чиройли тарзда голга айлантирди.

Мисрлик футболчининг ўзи ҳам гол муаллифига айланиши мумкин эди, аммо бир нечта имкониятлардан фойдалана олмади.

"Ливерпуль" ушбу ғалаба туфайли ўз очколарини 65 тага етказиб, 5-поғонага мустаҳкам жойлашиб олди. Жамоа 3 ва 4-ўринлардаги "Ньюкасл" ва "Манчестер Юнайтед"дан бир очко ортда қолмоқда. Аммо рақибларда биттадан захира ўйини бор.

АПЛ, 36-тур
Лестер – Ливерпуль 0:3 (0:2, 0:1)
Голлар: 0:1 – 33 Жонс, 0:2 – 36 Жонс, 0:3 – 71 Александер-Арнолд.
Лестер – Иверсен, Рикарду Перейра (Томас, 67), Эванс (Суттар, 89), Фас, Кастань, Ндиди (Дака, 61), Тилеманс, Мэддисон, Сумаре, Барнс (Тете, 61), Варди.
Ливерпуль – Алиссон, Александер-Арнолд, ван Дейк, Конате, Робертсон, Хендерсон (Милнер, 74), Фабиньо, Жонс (Карвалью, 84), Салах (Эллиотт, 88), Диас (Диогу Жота, 74), Гакпо.
Огоҳлантиришлар: Рикарду Перейра (53), Конате (86), Томас (90).