Араб диёрига қизиқмаган юлдузлар!

Саудия Арабистонида трансфер ойнаси ёпилди - Европанинг топ-клублари энди эркин нафас олса бўлади. Ёзда бутун юлдузлар шайхлар клублари томон кўчиб ўтди - Бензема, Неймар, Мане, Канте, Ляпорт ва бошқалар.

Аммо Саудия пуллари учун васвасага тушмаганлар ҳам бор. Уларнинг қарори айрим ўринларда ҳурматга лойиқ.

Лео Месси

Tengri Sport хабарига кўра, аргентиналикка икки йил давомида 1,2 миллиард евро таклиф қилинган. Лекин Лео «Интер Майами»га жўнаб кетди. Бироқ, саудияликлар уни пулсиз қолдиришмайди: New York Times газетаси Мессининг туризм вазирлиги билан шартномаси борлиги ҳақида ёзди. Ушбу мамлакатда дам олиш ва турли тижорат фаолияти учун у уч йил давомида 25 миллион долларгача ишлаб олиши мумкин.

Месси билан бирга Серхи Бускетс ва Жорди Альба Саудия Арабистонига эмас, АҚШга кетди.

Лука Модрич

Ёз яна бир «Олтин тўп» соҳибининг «Реал»дан кетиши мумкинлиги ҳақидаги хабарлар билан бошланди. Ok Diario уч йил учун тахминан 120 миллион евро, Marca икки йил учун тахминан 80 миллион евро ва яна 20 миллион бонусларни ёзган. Бироқ хорватиялик футболчи «Ал-Аҳли»га ўтишни истамади ва «Реал»да камида яна бир мавсум қолади.

Ромелу Лукаку

«Ал-Ҳилол» ёзда ҳужумчи қидираётган эди, «Челси» бельгиялик футболчини сотмоқчи эди, бироқ мавсум учун 25 миллион евро Ромелуга ёқмади. У Италияда ўйнашни истарди - ва якунда «Рома»га ўтди. «Ал-Ҳилол» эса Александр Митровични сотиб олди.

Бернарду Силва

Пеп бир неча йиллардан бери ярим ҳимоячига бўлган бошқа клубларнинг қизиқишини блоклаб келмоқда. «Барселона» ва «ПСЖ»нинг доимий қизиқишлари орасида Саудия Арабистонидан ҳам таклиф бор эди. Бироқ португалиялик буни рад этди ва «Манчестер Сити»да қолди.

Оливье Жиру

Франция терма жамоаси тарихидаги энг яхши тўпурар Саудия Арабистони клубларининг ҳам нишонига айланганди. Журналист Николо Скира Оливье яхши таклифни рад этганини твиттерда ёзди. Ҳужумчи Европада ўйнашни ва гол уришни давом эттирмоқчи.

Килиан Мбаппе

Июль ойида «Ал-Ҳилол» Мбаппе учун деярли бир миллиард тайёрлади: «ПСЖ» учун 300 миллион, футболчининг ўзи учун 700 миллион евро. Ҳамма Килианнинг секундига маошини ҳисоблаётган бир пайтда Франция терма жамоасининг янги сардори саудияликлар билан учрашишдан шунчаки бош тортди. У яна бир йил «ПСЖ»да қоладиган бўлди. «Ал-Ҳилол» эса Неймар вариантига ўтди.

Томас Мюллер

Осиё гиганти «Бавария» рамзи вариантига тўхталди - унга уч йиллик шартнома таклиф қилинди, бироқ немис Мюнхенни тарк этишни ўйласада, буни рад этди. Мюллер Европада ўйнашни орзу қилади, шунинг учун энди Европадан кетиш шарт эмас.

Иско

Қишда у «Ал-Халаж» клубида ўйнашни истамаган, аммо кейин «Севилья»ни тарк этган ва жамоасиз қолганди. Маълум бўлишича, бу бежиз эмас: ярим ҳимоячи «Бетис»га суюкли Мануэль Пеллегрини олдига йўл олди ва мавсумни жуда кучли бошлади.

Сон Хинг Мин

Кореялик, умуман олганда, у учун пул муҳим эмаслигини, шунинг учун Саудия Арабистонига бормаслигини айтди. Йилига 30 миллион евро ва 4 йиллик шартнома «Тоттенхэм»нинг янги сардорини умуман ҳайратда қолдирмади.

Марко Вератти

Қизиқарли ҳолат. «ПСЖ»га италиялик керак эмас - уни майдонга туширишмайди ва Чемпионлар лигаси учун аризага киритилмаган. Аммо у Саудия Арабистонида бўлмайди, чунки «Ал-Аҳли» ва «Ал-Ҳилол» ўзини Марконинг агенти сифатида кўрсатган фирибгар билан музокара олиб боришган.

Расмий равишда Вератти Саудия Арабистони жамоаларини рад этмади, лекин у ортиқча ҳаракат қилгиси келмади. Энди у катта эҳтимол билан Қатарнинг «Ал-Араби» жамоасида фаолиятини якунлайди.

Поль Погба

«Ювентус»га қайтиш ноаниқ вариант бўлиб турган пайтда Поль июль ойида Саудия лигасига ўтиш вариантини рад этди - у терма жамоа билан Евро-2024га боришни орзу қилади. Бунинг учун спорт формасини тиклаш талаб этилади.

Серхио Рамос

Роберт Левандовски

Польша ОАВ «Барса» форварди Саудия Арабистонига кераклиги ҳақида ёзган. Бундан ташқари, улар йилига 150 миллион евролик тўловни айтишди, аммо музокаралар ҳали бошланмади. Левандовскини бундай вариантлар умуман қизиқтирмайди, унга «Барселона» ёқади.

Муҳаммад Салоҳ

Биз Салоҳнинг ўзидан эшитмаганмиз ва у таклифларга қандай муносабат билдирганини билмаймиз. Аммо Саудия варианти анча муҳокамаларга сабаб бўлди.

Бу ерда мантиқий узвийлик бор эди - Премьер-лиганинг асосий араб футболчиси. «Ливерпул»даги шериклари Мане ва Фирмино, шунингдек, асосий мусулмон футболчилари Маҳрез ва Бензема аллақачон Саудия Арабистонига кўчиб ўтишган. Саудия Арабистони ташқарисидаги барча исломий футбол юлдузларидан Салоҳ ва Зидан четда қолмоқда холос.

Энг қизиғи, «Ал-Иттиҳод» фақат трансфер ойнаси охирида фаоллашди. Муҳаммадга 200 миллион фунт стерлинггача таклиф қилинган - бу рекорд сумма. Аммо Клопп футболчини қўйиб юбормаслигини айтди.