АПЛ. Салоҳ 2 та гол урган ўйинда «Ливерпуль» «Ньюкасл»ни мағлуб этди (видеошарҳ)

Англия чемпионатининг 20-туридан ўрин олган «Ливерпуль» ва «Ньюкасл» жамоалари ўртасидаги ўйин 1 январь оқшомида бўлиб ўтди.

Биринчи бўлимда ҳисоб очилмади. Ваҳоланки, 21-дақиқада меҳмонлар дарвозасига пенальти белгиланди. Аммо Салоҳнинг зарбасини "Ньюкасл" посбони Дубравка қайтаришга муваффақ бўлди.

Иккинчи бўлимда эса мухлислар 6 та голга гувоҳ бўлишди. Муҳаммад Салоҳ дублга эришган бўлса (уларнинг бирини пенальтидан урди), «Ливерпуль»нинг яна иккита голига Кертис Жонс ва Коди Гакпо муаллифлик қилишди. "Қарғалар"нинг голлари Александер Исак ва Свен Ботман ҳисобига ёзилди.

Мазкур ғалаба туфайли «Ливерпуль»нинг голлари 45 тага етди. Жамоа иккинчи ўриндаги "Астон Вилла"дан 3 очко олдинда бормоқда. «Ньюкасл» эса 29 очко билан 9-поғонани эгаллаб турибди.

АПЛ, 20-тур
Ливерпуль – Ньюкасл 4:2 (0:0, 4:2)
Голлар: 1:0 – 49 Салоҳ, 1:1 – 54 Исак, 2:1 – 74 Жонс, 3:1 – 78 Гакпо, 3:2 – 81 Ботман, 4:2 – 86, пенальти Салоҳ.
Ливерпуль – Алиссон, Александер-Арнолд, ван Дейк, Конате, Гомес, Эндо (Мак Аллистер, 75), Собослаи (Гравенберх, 64), Жонс, Салоҳ, Диас (Диогу Жота, 64), Нуньес (Гакпо, 64).
Ньюкасл – Дубравка, Ливраменто, Шер, Ботман, Берн (Холл, 82), Бруно Гимараэс, Лонгстафф, Майли (Альмирон, 54), Жоэлинтон (Ласселс, 82), Гордон, Исак.
Огоҳлантиришлар: Бруно Гимараэс (28), Диас (45), Майли (45), Александер-Арнолд (45), Эндо (65), Жоэлинтон (66), Дубравка (84), Лонгстафф (89).