Англия кубоги. «Ливерпуль» «Арсенал»ни мусобақадан чиқариб юборди

Англия кубогининг 3-босқичида «Арсенал» ва «Ливерпуль» жамоалари ўзаро тўқнаш келишди.

"Канонирлар" дастлабки 10 дақиқа ичида гол уриш учун 2 та вазиятни юзага келтиришди. Дастлаб Рейсс Нелсон рақиб посбони билан яккама-якка вазиятда Алиссонни алдаб ўтди, аммо ўткир бурчакдан дарвозага аниқ зарба бера олмади. Мартин Эдегор томонидан йўлланган зарба натижасида тўп тўсинга тегиб қайтди.

Тайм сўнгида эса Трент "Арсенал" дарвозаси тўсинини ларзага келтирди.

Ўйин сўнгида "Ливерпуль" ғалабани илиб кетди. 80-дақиқада Трент Александер-Арнольдниг узатмасидан кейин Якуб Кивёр ўз дарвозасини ишғол қилиб қўйган бўлса, иккинчи таймга қўшиб берилган дақиқаларда Луис Диас қарши ҳужумни голга айлантириб, ўйинга нуқта қўйди.

Шу тариқа, "Ливерпуль" Англия кубоги 4-босқичига чиқди, "Арсенал" эса мусобақани тарк этди.

Англия кубоги, 3-босқич
Арсенал – Ливерпуль 0:2 (0:0, 0:2)
Голлар: 0:1 – 80, автогол Кивер, 0:2 – 90+6 Диас.
Арсенал – Рэмсдейл, Уайт, Габриэл, Салиба, Кивер (Троссард, 88), Жоржиньо (Нкетиа, 81), Эдегор, Райс, Хавертц (Смит-Роу, 88), Нелсон (Мартинелли, 62), Сака.
Ливерпуль – Алиссон, Александер-Арнолд, Конате, Куанса, Гомес, Мак Аллистер (Гравенберх, 59), Жонс (Кларк, 75), Эллиотт (Брэдли, 75), Диас, Гакпо (Диогу Жота, 59), Нуньес.
Огоҳлантиришлар: Салиба (65), Эллиотт (70), Гравенберх (90), Кларк (90), Александер-Арнолд (90).