Англия кубоги. «МЮ» 121-дақиқада урилган гол эвазига «Ливерпуль»ни мағлуб этди

Англия кубогининг чорак финал босқичида «Манчестер Юнайтед» ва «Ливерпуль» жамоалари ўзаро тўқнаш келишди. Учрашув драматик сценарий остида ўтди.

Баҳснинг 10-дақиқасида мезбонлар ярим ҳимоячиси Скотт Мактоминей ҳисобни очди. 44-дақиқада эса меҳмонлар футболчиси Алексис Мак Аллистер мувозанатни тиклади.

Иккинчи бўлим бошида Муҳаммад салоҳ мерсисайдликларни олдинга олиб чиқди. Ўйинниг асосий вақти тугашига 3 дақиқа қолганида «Юнайтед» ярим ҳимоячиси Антони ҳисобни тенглаштирди — 2:2.

Ўйинга қўшиб берилган биринчи бўлим якунланиш арафасида 20 ёшли Харви Эллиотт «қизиллар»ни олдинга олиб чиқди. 112-дақиқада эса Маркус Рэшфорд яна мувозанатни тиклади.

Иккинчи экстра-тайм тугаётган пайтда "Ливерпуль" катта куч билан олдинга ташланди, аммо қарши ҳужумда аламли гол ўтказиб юборди. Амад Диалло меҳмонлар дарвозасини ишғол қилди ва жамоасига ғалаба келтирди.

Аммо Амад футболкани ечгани учун сариқ карточка олди. Бу Диалло учун иккинчи огоҳлантириш бўлган учун футболчи майдонни тарк этди.

Шу тариқа, «Манчестер Юнайтед» Англия кубоги ярим финалига йўл олди.

Англия кубоги, чорак финал
Манчестер Юнайтед – Ливерпуль 4:3 (1:2, 1:0, 0:1)
Голлар: 1:0 – 10 Мактоминей, 1:1 – 44 Мак Аллистер, 1:2 – 45 Салоҳ, 2:2 – 87 Антони, 2:3 – 105 Эллиотт, 3:3 – 112 Рэшфорд, 4:3 – 120 Диалло.
Манчестер Юнайтед – Онана, Диогу Далот, Варан (Диалло, 85), Линделеф (Маунт, 105), Уан-Биссака (Магуайр, 71), Бруну Фернандеш, Мактоминей, Майну (Эриксен, 80), Гарначо, Рэшфорд, Хейлунд (Антони, 71).
Ливерпуль – Келлехер, Гомес (Цимикас, 101), ван Дейк, Куанса, Робертсон (Брэдли, 76), Эндо, Собослаи (Эллиотт, 72), Мак Аллистер, Салоҳ (Гакпо, 77), Диас (Кларк, 114), Нуньес.
Огоҳлантиришлар: Мак Аллистер (31), Бруну Фернандеш (45), Гомес (60), Келлехер (109), Диалло (116).
Четлатиш: Диалло (120+1).