АПЛ. «Ливерпуль» ўз уйида «Тоттенхэм»ни таслим этди

Англия чемпионатининг 36-тури доирасида «Ливерпуль» ўз майдонида «Тоттенхэм»ни қабул қилиб, ишончли ҳисобда ғалаба қозонди.  

Баҳснинг 16-дақиқасида Муҳаммад Салоҳ ҳисобни очган бўлса, тайм сўнгида Робертсон мерсисайдликларнинг иккинчи голига муаллифлик қилди.

Иккинчи бўлимнинг дастлабки 15 дақиқаси ҳам Клопп жамоаси учун муваффақиятли келди. "Қизиллар" яна 2 та гол уриб, ҳисобни 4:0 кўринишга келтириб қўйишди.

"Шпорлар" эса шундан сўнг бироз уйғонишди ҳамда ўйин охирига қадар рақиб дарвозасига 2 марта йўл топишди. Якуний ҳисоб — 4:2.

"Ливерпуль" бугунги ғалабадан сўнг ўз очколарини 78 тага етказиб, пешқадамлар "Арсенал" ва "Манчестер Сити"н қувишда давом этади. Аммо жамоада чемпионлик учун имконият жуда кам қолди. "Тоттенхэм"да кучли тўртликка кириш имконияти кескин пасайиб кетди.

АПЛ, 36-тур
Ливерпуль – Тоттенхэм 4:2 (2:0, 2:2)
Голлар: 1:0 – 16 Салоҳ, 2:0 – 45 Робертсон, 3:0 – 50 Гакпо, 4:0 – 59 Эллиотт, 4:1 – 72 Ришарлисон, 4:2 – 77 Сон Хёнг Мин.
Ливерпуль – Алиссон, Александер-Арнолд, ван Дейк, Куанса, Робертсон (Гомес, 64), Эндо (Байчетич, 65), Мак Аллистер (Гравенберх, 75), Эллиотт (Собослаи, 83), Салоҳ, Диас (Нуньес, 75), Гакпо.
Тоттенхэм – Викарио, Порро, Ромеро, ван де Вен, Эмерсон (Скипп, 61), Бентанкур (Ришарлисон, 61), Биссума, Сарр (Ло Чельсо, 75), Кулусевски (Мэддисон, 61), Сон Хёнг Мин, Жонсон.
Огоҳлантиришлар: Сарр (44), ван де Вен (47), Эмерсон (57), Биссума (63), Александер-Арнолд (90+2).