ЕЧЛ. Бугун қуръа 21:00да бошланади!

Бугун Монакода Чемпионлар лигасининг умумий босқичига қуръа ташлаш маросими бўлиб ўтади.

Тадбир Тошкент вақти билан соат 21:00да бошланади.

Илк бор янги форматда ўтказиладиган турнирда 36 та клуб иштирок этади. Улар тўрт саватга тақсимланади (уларнинг таркиби қуйида келтирилган).

Умумий босқичда ҳар бир жамоа 8 та ўйин ўтказади: 4 та ўз майдонида, 4 таси меҳмонда. Ҳар бир клуб учун 8 та рақиб танланади (ҳар бир саватчадан 2 тадан).

Умумий жадвалда 36 та клубнинг барчаси жой олган. Дастлабки 8 ўринни эгаллаган жамоалар тўғридан-тўғри 1/8 босқичга чиқади. 9-ўриндан 24-ўрингача бўлган жамоалар жуфтлик плей-офф босқичида ўйнайди. 25-ўриндан 36-ўрингача бўлган жамоалар учун Европа мавсуми якунланади.

Якуний тақвим ва ўйинларнинг бошланиш вақтлари кейинроқ - 31 август куни эълон қилинади.

– 1-саватча: «Реал Мадрид», «Манчестер Сити», «Бавария», «ПСЖ», «Ливерпуль», «Интер», «Боруссия» Дортмунд, «РБ Лейпциг», «Барселона»;

– 2-саватча: «Байер», «Атлетико», «Аталанта», «Ювентус», «Бенфика», «Арсенал», «Брюгге», «Шахтер», «Милан»;

– 3-саватча: «Фейеноорд», «Спортинг», ПСВ, «Динамо» Загреб, «РБ Зальцбург», «Лилль», «Црвена Звезда», «Янг Бойз», «Селтик»;

– 4-саватча: «Слован» Братислава, «Монако», «Спарта» Прага, «Астон Вилла», «Болонья», «Жирона», «Штутгарт», «Штурм», «Брест».