Англия кубоги. «Ливерпуль» «Аккрингтон» - 4:0 (видеошарҳ)

Англия Кубоги учинчи раунди доирасида "Ливерпуль" ва "Аккрингтон Стэнли" ўртасидаги баҳс ўз ниҳоясига етди. Жамоалар "Энфилд" стадионида тўқнаш келди. Ушбу учрашув мезбонлар фойдасига 4:0 ҳисобида якунланди.

Ўйиннинг 29-дақиқасида "Ливерпуль" ярим ҳимоячиси Диогу Жота ҳисобни очди. 45-дақиқада Трент Александер-Арнольд ўз жамоаси устунлигини икки баравар оширди. 76-дақиқада Жейден Даннс ҳисобни йирик кўринишга келтирди. 90-дақиқада эса "Ливерпуль" ҳужумчиси Федерико Кьеза ўз жамоасининг тўртинчи голини урди.  

Мазкур учрашувдан олдин "Кардифф Сити", "Эвертон", "Фулхэм", "Уиком Уондерерс" ва "Астон Вилла" жамоалари ҳам Англия Кубоги 1/16 финалига йўл олган эди.  

Англия Кубогининг амалдаги ғолиби "Манчестер Юнайтед" ҳисобланади. Ўтган мавсум финалида "қизил иблислар" "Манчестер Сити"ни 2:1 ҳисобида мағлуб этган эди.

Англия кубоги, 3-босқич
Ливерпуль – Аккрингтон 4:0 (2:0, 2:0)
Голлар: 1:0 – 29 Диогу Жота, 2:0 – 45 Александер-Арнолд, 3:0 – 76 Дэннс, 4:0 – 90 Кьеза.
Ливерпуль – Келлехер, Цимикас, Куанса, Эндо (Ньони, 79), Александер-Арнолд (Брэдли, 60), Собослаи (Кьеза, 46), Мортон (Макконнелл, 60), Диогу Жота, Эллиот, Бас Рэй, Нгумоҳа Адигун (Дэннс, 72), Нуньес.
Аккрингтон – Креллин, Аве, Роусон, Вудс, Лав, Мартин (Коннили, 63), Хумбени (Койл, 46), Вудс (O'Брайн, 63), Хантер (Henderson, 46), Уолли, Уольтон (Муни, 78).