Флорин Пруня: «Юрген Клопп — «Ливерпуль» тарихидаги энг заиф мураббий»

Руминия терма жамоаси ва Бухарестнинг «Динамо» клуби собиқ дарвозабони Флорин Пруня «Ливерпуль» клубининг собиқ бош мураббийи Юрген Клопп ҳақида кескин фикр билдирди.

– Юрген Клопп энди мураббийлик қилмаяпти, чунки у шунчаки хоҳламайди.
– Ҳа бўлди, ўзингнинг гапдон дўстингни эслама энди.

– Қандай қилиб шундай дейишинг мумкин?
– «Ливерпуль» тарихидаги энг заиф мураббий.

– У «Ливерпуль» билан Чемпионлар лигасини ютди, 30 йиллик танаффусдан кейин жамоага АПЛ чемпионилик унвонини олиб берди. Футболчилар уни жуда яхши кўришарди, майдонда у учун сидқидилдан ўйнашарди!
– Ҳа, ана шунинг учун у кетди. Лекин нега «Ливерпуль»дан кетди?

– Чунки касбнинг қаттиқ босими уни чарчатган эди.
– У «Ред Булл Зальцбург»га кетди, фақат пул топиш учун. Менга у ҳеч қачон ёқмаган. Унинг ўзи ҳам, у саҳнада қилган “цирк"лари ҳам — гўё тишлари билан ғишт чайнаётгандек — менга ёқмасди.

– У футбол тарихидаги энг буюк мураббийлардан бири!
– Ҳа, бўйи бўйича — шундай! У бир метр тўқсон, ёки бир метр тўқсон беш? — дея Прунянинг сўзларини "iAMsport" келтирди.

Эслатиб ўтамиз, мураббий Юрген Клопп 2023/2024 йилги мавсум якунлангач «Ливерпуль»ни тарк этган. Ҳозирда у Red Bull тизимида фаолият юритмоқда. Клопп мерсисайдликлар билан АПЛ, УЕФА Чемпионлар лигаси, маҳаллий кубоклар ва клублар ўртасидаги жаҳон чемпионатида совринлар ютган.