ЕЧЛ. «Энфилд»даги йирик ғалаба: «Ливерпуль» «Галатасарой»ни турнирдан чиқариб юборди (Видеошарҳ)

«Ливерпуль» Чемпионлар лигаси 1/8 финалининг жавоб учрашувида «Галатасарой» устидан 4:0 ҳисобида йирик ғалабага эришди. Ўйин Англиядаги «Энфилд» стадионида бўлиб ўтди.

Инглиз жамоаси ярим ҳимоячиси Доминик Собослаи 25-дақиқада ҳисобни очди. Биринчи бўлим якунида ҳужумчи Муҳаммад Салоҳ пенальтини аниқ амалга ошира олмади. Иккинчи бўлим бошида майдон эгалари бир дақиқа ичида иккита гол уришди — Юго Экитике ва Райан Гравенберх ўз номини таблога ёздириб қўйди. 56-дақиқада ВАР «қизиллар»нинг тўртинчи голини бекор қилди, бироқ 62-дақиқада Салоҳ барибир ҳисобни 4:0 кўринишига келтирди.

Дастлабки баҳсда «Галатасарой» 1:0 ҳисобида ғалаба қозонган эди. Шу тариқа, икки ўйин натижасига кўра «Ливерпуль» Чемпионлар лигасининг чорак финалига йўл олди ва у ерда «ПСЖ» билан куч синашади.

Чемпионлар лигаси. 1/8 финал
19.03.2026 | 01:00
«Энфилд», Ливерпуль

«ЛИВЕРПУЛЬ» — «ГАЛАТАСАРОЙ» — 4:0
Голлар: Доминик Собослаи 25 (1:0), Юго Экитике 51 (2:0), Райан Гравенберх 53 (3:0), Муҳаммад Салоҳ 62 (4:0).

Амалга оширилмаган пенальти: Муҳаммад Салоҳ 45+4 («Ливерпуль»).

Биринчи ўйин: 0:1.

«Ливерпуль»: Алиссон, ван Дейк, Конате, Керкез, Фримпонг (Джонс, 67), Гравенберх (Ньони, 89), Вирц (Кьеза, 89), Собослаи, Макаллистер, Салоҳ (Гакпо, 74), Экитике (Нгумоха, 89).

«Галатасарой»: Угурджан Чакыр, Абдюлкерим Бардакжи (Эрен Элмали, 73), Синго, Якобс, Боэ (Сане, 46), Торрейра (Юнус Акгюн, 60), Лемина, Сара, Бариш Йилмаз, Шоллои, Осимхен (Ланг, 46, Икарди, 80).