Англия лига кубоги. «Манчестер Сити» пенальтилар серияси орқали ярим финалга чиқди

Англия лига кубогининг чорак финал босқичи доирасида «Лестер» ўз майдонида «Манчестер Сити»ни қабул қилди.

Гвардоила мазкур ўйинга асосан иккинчи таркибни туширди. Баҳснинг 14-дақиқасида Кевин де Брюйне олис масофадан ажойиб зарба бериб, ҳисобни очди. Шундан сўнг ҳам меҳмонларда гол уриш учун яхши имкониятлар бўлди, бироқ Риёд Маҳрез бир нечта вазиятлардан фойдалана олмади.

Ўйин сўнгида устунлик "тулкилар" томонига ўтди. Учрашув тугашига 17 дақиқа қолганидан Олбрайтон ҳисобни тенглаштиришга муваффақ бўлди.

Қўшимча бўлимларда эса ҳисоб бошқа ўзгармади. Пенальтилар сериясида омад "Сити" томонида бўлди — 1:3. Шу тариқа, "шаҳарликлар" Англия лига кубоги ярим финал босқичи йўлланмасини қўлга киритишди.

Англия лига кубоги, чорак финал
Лестер – Манчестер Сити 1:1 (0:1, 1:0, 0:0, 0:0), пенальтилар бўйича - 1:3
Голлар: 0:1 – 14 де Брюйне, 1:1 – 73 Олбрайтон.
Лестер – Уорд, Симпсон, Сеюнджю, Фукс, Магуайр, Ндиди, Иборра (Олбрайтон, 61), Геззаль (Мэддисон, 53), Чоудури, Грэй, Ихеаначо (Рикарду Перейра, 81).
Манчестер Сити – Мурич, Уокер, Эрик Гарсия, Отаменди, Стоунз, Фоден, Зинченко, Маҳрез, де Брюйне (Гюндоган, 71), Браим Диас (Стерлинг, 66), Агуэро (Габриэл Жезус, 76).
Огоҳлантиришлар: Фоден (50), Гюндоган (85).

Мидлсбро – Бертон 0:1 (0:0, 0:1)
Гол: 0:1 – 48 Хескет.
Мидлсбро – Рэндолф, Флинт, Батт, Френд, Фрай, Уинг, Лидбиттер, Бешич (Тавернье, 63), Даунинг, Брэйтуэйт (Флетчер, 72), Хьюджилл (Ассомбалонга, 63).
Бертон – Коллинз, Бакстон, Хатчинсон, Брэйфорд, Тернер, Хескет (Фокс, 81), Фрэйзер, Майерс-Харнесс, Куинн, Эйкинс, Аллен.
Огоҳлантиришлар: Хьюжилл (16), Бешич (38), Хескет (74), Коллинз (79).