АПЛ. «Манчестер Сити» аутсайдерга жавобсиз 4 та гол урди, «Челси» «бўрилар»ни таслим эта олмади

Англия чемпионатининг 18-туридан ўрин олган икки ўйин 19 декабрь, якшанба куни бўлиб ўтди.

«Манчестер Сити» сафарда «Ньюкасл»га қарши баҳс олиб борди. Ўйин дебютида Рубен Диаш ҳисобни очган бўлса, 27-дақиқада Жоау Канселу жамоасининг иккинчи голини урди. 64-дақиқада Риёд Маҳрез ҳисобни йирик кўринишга олиб келди. Учрашув якунланиши арафасида Раҳим Стерлинг якуний ҳисобни ўрнатди — 0:4.

Ғалабали сериясини давом эттираётган Пеп Гвардиола шогирдлари 44 очко билан якка пешқадамлик қилмоқда. «Ҳаккалар» эса (10 очко) 19-поғонадан жой олган.

Яна бир ўйин «Вулверҳэмптон» ва «Челси» жамоалари ўртасида кечди. Беллашувда ҳисоб очилмади. Қайд этиш керак мазкур баҳсга «Челси» қатор футболчиларсиз ташриф буюрди. Жамоада коронавирус кенг тарқалган ва Томас Тухель ўйин қайдномасига жами 17 нафар футболчини жалб қила олди, холос.

«Челси» 38 очко билан 3-поғонани банд этиб турибди. «Бўрилар» эса (25) 8-поғонада қолди.

АПЛ, 18-тур баҳслари
19 декабрь, якшанба
«Вулверҳэмптон» — «Челси» 0:0
«Вулверҳэмптон»: Жозе Са, Ҳувер, Коуди, Саисс, Килмен, Марсал, Дендонкер, Моутинью, Рубен Невеш, Поденсе (Траоре, 79), Хименес.
«Челси»: Менди, Жеймс, Аспиликуэта, Тиаго Сильва, Рюдигер, Алонсо, Канте, Зиёш (Ковачич, 65), Чалоба (Сауль, 46), Маунт, Пулишич.
Огоҳлантиришлар: Чалоба (30), Рюдигер (33).

«Ньюкасл» — «Манчестер Сити» 0:4
Голлар: 0:1 – 5 Рубен Диаш, 0:2 – 27 Жоау Канселу, 0:3 – 63 Маҳрез, 0:4 – 86 Стерлинг.
«Ньюкасл»: Дубравка, Кларк, Ласселс, Альмирон (Ҳендрик, 80), Ритчи, Фрэйзер, Ҳейден (Лонгстафф, 61), Уиллок (Сен-Максимен, 46), Мёрфи, Уилсон, Жоэлинтон.
«Манчестер Сити»: Эдерсон, Жоау Канселу, Ляпорт, Рубен Диаш (Стоунз, 70), Зинченко, де Брюйне, Бернарду Сильва, Родри (Фернандиньо, 68), Стерлинг, Маҳрез (Палмер, 77), Габриэль Жезус.
Огоҳлантиришлар: Ҳейден (21), Родри (25), Бернарду Сильва (30).