Янги мавсумда кузатишингиз шарт бўлган 7 футболчи

2022/23 йилги мавсум аллақачон бошланишга улгурди. Баъзи клублар трансфер бозорида ишлашда давом этмоқда. Келажак юлдузларини кузатиш вақти келди. Кўпгина ўйинчиларда юлдуз мақомига эришиш имконияти мавжуд. Навбатда янги мавсумда албатта кузатишингиз шарт бўлган ёш футболчилар ҳақида гапирамиз.

“Карим Адейеми” (20 ёш)
Клуб: “Боруссия Дортмунд”

Адейеми "Боруссия Дортмунд"га янги келган. Футболчи шу ёзда “РБ Залцбург”дан немис клубига ўтган эди. Трансфер суммаси 30 миллион еврони ташкил қилди. Ёш ҳужумчи Австрияда ҳам, Чемпионлар лигасида ҳам яхши ўйин кўрсатди, шунинг учун унинг юқорига кўтарилиши кутилганди. Энди Карим фаолиятида янги, қийинроқ босқич бошланади. Аллер анчадан бери сафдан чиққанини инобатга олсак, Адейеми янги чемпионатда ўзини кўрсатиш имкониятига эга бўлади.

Гави (18 ёшда)
Клуб: “Барселона”

Ўтган мавсум Гави учун "Барселона"нинг асосий таркибида биринчиси бўлди. Ёш ярим ҳимоячи анча яхши ўйнади. Ўтган мавсумда испаниялик барча мусобақаларда 45 та ўйин ўтказиб, 2 та гол ва 6 та голли узатмани амалга оширган. Ла Масиа битирувчисининг ўсиши бу мавсумда ҳам давом этиши керак. "Барселона" билан шартномаси яна 1 йилга мўлжалланганлиги сабабли, бир қанча клублар футболчи учун қизиқишмоқда. Бироқ “кўк-анорранглилар” футболчини ўз таркибида сақлаб қолишларига ишончлари комил.

Нико Гонсалес (20 ёшда)
Клуб: “Барселона”

Гави билан бўлгани каби, ўтган мавсум Гонсалес учун ҳам "Барселона"нинг асосий жамоаси билан биринчиси бўлди. Никонинг кўрсаткичлари бироз оддийроқ: барча мусобақаларда 36 та ўйин, 2 та гол ва 2 та голли узатма. Ярим ҳимоячи ижара асосида "Валенсия"га ўтди. Янги мавсумда уни кузатиш янада қизиқарли бўлади, чунки Женнаро Гаттузо ўз жамоасида фақат мотивацион ўйинчиларни кўришни хоҳлайди.

Аурелиен Тчуамени (22 ёш)
Клуб: “Реал Мадрид”

Тчуамени ёзги мавсумда "Реал"га янги келган кам сонли футболчилардан бирига айланди. “Қаймоқранглилар” ярим ҳимоячи учун 80 миллион евро тўлашди. Бонуслар билан бирга, миқдор юз миллионга кўтарилиши мумкин. Бундай рақамларни инобатга олсак, янги мавсумда футболчига бўлган эътибор жуда зўр бўлади. Француз энг истиқболли ярим ҳимоячилардан бири саналади. Тчуамени ўз салоҳиятини рўёбга чиқара оладими ёки йўқ, буни вақт кўрсатади. "Монако"да ўйнаш "Реал"да ўйнаш билан бир хил эмас. Бошқа томондан, "бланкослар" ярим ҳимоячини узоқ муддат жамоада олиб қолмоқчи, акс ҳолда унинг учун катта пул тўламаган бўларди.

Хулиан Альварес (22 ёш)
Клуб: “Манчестер Сити”

Алварес жуда истиқболли ҳужумчи бўлиб кўринмоқда. 22 ёшида у "Ривер Плейт" таркибида 119 ўйин ўтказиб, 53 гол урган ва 31 голга ассистентлик қилган. Бу ёш ҳужумчи учун жуда яхши кўрсаткичлар. “Манчестер Сити” футболчи учун атиги 17 миллион евро тўлаган. Хосеп Гвардиола футболчидан умидлари катта. Аргентиналик ва Эрлинг Холанд ўртасидаги рақобат қанчалик жиддий бўлишини кузатиш жуда қизиқ бўлади. Албатта, "шарликлар"нинг норвегияликда умидлари катта, бироқ Альварес ҳам ўз имкониятларини қўлга киритади, у бундан яхшироқ фойдаланиши керак.

Шарль де Кетеларе (21 ёш)
Клуб: “Милан”

Де Кетеларе ўтган мавсумда анча юқори савияда ўйнади ва жиддий клублар эътиборини тортди. У "Брюгге" сафида барча мусобақаларда 49 та ўйинда майдонга тушиб, 18 та гол урди ва 10 та голли узатмани амалга оширди. "Милан" ҳужумини кучайтириш учун ўйинчи қидирди ва жуда яхши вариант топди. бельгиялик ёш марказий ҳужумчи, ҳужумчи ёки ҳужумкор ярим ҳимоячи сифатида ўйнай олади. "Россонерилар" "Брюгге"га 32 миллион евро тўлади.

Ансу Фати (19 ёш)
Клуб: “Барселона”

Фати нафақат Испанияда, балки бутун Европада аллақачон ўз номига эга. Шу билан бирга, у ҳалигача ёш ва истиқболли ўйинчи бўлиб қолмоқда. 2019/20 йилги мавсумдаги муваффақиятли ўйиндан сўнг, Ла Масиа битирувчиси "Барселона"да Лионел Мессининг ўрнига тайёрланди. Бироқ, ёш вингер олдинги икки мавсумда Ла Лигада бор йўғи 17 та ўйинда майдонга тушди. Футболчини жиддий жароҳатлар таъқиб қилмоқда. Аммо “қоронғу” вақтлар тугаган бўлиши керак. Фатида тикланиш учун етарлича вақт бор эди, шунинг учун бу мавсумда у ниҳоят нима учун бутун Ла Лига унга умид қилаётганини кўрсатиши керак.