Ҳеч кимга сир эмас, мундиаллар, мусобақалар ва чемпионатлар футболчиларнинг маҳорат ва камчиликларини юзага чиқаради. Шунга кўра, томошабин футболчиларнинг қандай ҳарактерга эга эканликларига баҳо беради.
Қуйида кучли зарбалари билан ажралиб турган футболчилар (ТОП-10) ўнталигини санаб ўтамиз. Дарвоқе, Европа нашрлари таҳлиллари асосида таёрланган ушбу рейтингда ўйинчиларнинг баъзи “сир”лари ҳақида ҳам қисқача тўхталамиз.
10. Френк Лемпард. Ҳозирда Манчестер сити клубида ижара асосида тўп сураётган марказий ярим ҳимоячи. Англия терма жамоаси сафида кўп йиллардан бери ўзининг юқори даражадаги формасини йўқотмай тўп суриб келмоқда. Пенальтиларни зарб билан тепишни яхши кўради. Лемпард “Челси” клуби сафида 200 та гол уриб, нафақат клуб тарихида, балки, Англия футболи тарихида энг кўп гол киритган марказий ярим ҳимоячилардан бири бўлди.
9. Тайе Тайво. Ҳозирда Туркия суперлигасида тўп сураётган нигериялик чап қанот ҳимоячиси. Терма жамоа сафида ўзининг ҳимочи бўлганлигига қарамай, узоқдан аниқ ва кучли зарбалари билан эсда қолган. Лекин у майдонда кўпчилик футболчиларда кузатилмайдиган “ўйиндан ташқари ҳолат”га тушишни яхши кўради.
8. Стивен Жеррард. Англия футболи афсоналаридан ва “Ливерпул” клубининг рамзи ҳисобланади. Премиер-лигада уни қандай зарб билан голлар урганлиги ҳамма билади. Айниқса, дарвозабонлар буни ёдидан чиқаришмайди. Жеррард кўпинча чап қанотдан келган тўпни дарвозага жойлаб қўйган.
7. Марио Балотелли. “Ливерпул” клубининг яна бир аъзоси, яъни марказий хужумчиси. Уни қандай “хурмача” қилиқларга эга эканлигини мухлислар билади. Шунинг учун ҳам қаҳрамон эмас, антиқаҳрамонга айланиб қолиш эҳтимоли юқори. Балотелли дарвозабон билан бирга-бир чиқиб боришини ва зарб билан гол уришни ёқтиради. Италия термасида ҳозирча ёрқин ўйин кўрсатмаяпти.
6. Андреа Шюрле. “Аристократлар”нинг ёш иқтидор эгаси, яъни ҳужумчиси. Терма жамоада у икки позицияда, ҳужумкор ярим ҳимоячи ва ҳужум чизиғида тўп суради. Амалдаги ЖЧ-2014 ғолиби. У кутилмаган зарбалар беришни яхши кўради.
5. Криштиану Роналду. Бу ёрқин иқтидор эгаси ҳозирда сайёрадаги энг яхши футболчи дея эътироф этилмоқда. Терма жамоада голлар урган бўлсада, унча омади юришгани йўқ. “Реал Мадрид” клуби сафида эса бунинг аксини кўрсатмоқда ва шунга яраша “Олтин тўп” совринини учинчи бор қўлга киритди. Примерода унинг зарбаси қандай кучга эга эканлигини яхши билишади.
4. Дидье Дрогба. Яна бир “Челси”нинг афсоналаридан бири десак ҳам бўлади. Ҳозирда ўз клубида ўйновчи мураббий сифатида тўп суриб келмоқда. Кот д’Ивуар терма жамоаси билан Бразилиядаги мундиалда ўзининг ўйини, кўп жабҳаларда вазиятни ўзи ярата олишини ҳаммага исботлади. Айтиб ўтганимиздек, у кўпинча вазиятни ўзи яратиб дарвозани аниқ нишонга ололади.
3. Халк. РПЛнинг “Зенит” клуби хужумчиси. У хужум чизиғининг уч нуқтасида ҳам ўйнай олади. Уни “Невероятний Халк” мультифилмининг бош қаҳрамони билан таққослашади. Халк ҳам бошқа футболчилар қатори кучли зарбга эга.
2. Златан Ибрагимович. Бу рўйхатдаги энг бўйдор футболчи ва ўта кучли зарбага эга. У баъзан дарвозага қарамасдан ҳам кучли зарбалар бера олади. “ПСЖ” клубининг тенгсиз хужумчиси.
1. Яя Туре. Дрогбанинг жамоадоши ҳозирда “Манчестер сити” клубида ҳужумчи ампуласида тўп суриб келмоқда. Унинг терма жамоада омади юришмаса ҳам ўз клубида ўта аниқ ва кучли зарбалари билан бу рўйхатнинг етакчиси.
Азизбек АЛЛАБЕРДИЕВ тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
