Бугунги кунда барча ишқибоз севиб томоша қиладиган миллионлар ўйинининг қандай турлари борлигини биласизми? Буни қарангки, биз кўрган катта футбол ва мини-футболдан ташқари, мазкур спорт турининг шунчалик ғаройиб кўринишлари бор эканки, беихтиёр ҳайратдан ёқа ушлайсиз. Ушбу мақоламиз эса ана шундай ўзига хос спорт турларига бағишланади.
БОТҚОҚ ФУТБОЛИ
Маълумотларга кўра, мазкур спорт турига Финляндиялик чанғичи Эса Ромппайнен асос солган. Ўз машғулотларида эса ботқоқда югуриш чидамлиликни оширишини исботлаган ва янги спорт турини турли ҳолатларда синаб кўрган. Унинг ихтироси тезда машҳур бўлиб кетди. Ҳатто 1989 йилда мазкур спорт тури бўйича жаҳон чемпионати ўтказилди.
Ботқоқ футболи қоидалари оддий футболдан бироз фарқ қилади: ҳудуди 60 га 30 метр бўлган майдонга жамоалар чиқиб келади. Ҳар бир клубда жами 6 нафардан ўйинчи бўлади. Матч эса 13 дақиқадан икки тайм давом этади. Жарима зарбалари қўл ёрдамида амалга оширилади, чунки бунда оёқ билан тепишнинг умуман имкони йўқ.
ФАҚАТ 40-РАЗМЕРЛИ ЭТИК
Россияда тўлиқ муз билан қопланган майдонлар истаганча топилади. Боиси, мазкур давлатнинг об-ҳавоси жуда совуқ. Айниқса, қишда майдонлар муз билан бурканади. Айни шу паллада, аниқроғи, декабрь ойида футболнинг ўзига хос кўриниши бўйича чемпионат ўтказилади.
Спортнинг бундай кўриниши Улан-Удэда яратилган бўлиб, мазкур шаҳар айнан чемпионатга мезбонлик қилади. Охирги марта мусобақа коллеж ва университетларда таҳсил оладиган ўқувчи ва талабалардан тузилган 20 та жамоани қамраб олганди. Энг қизиғи, мусобақада қатнашадиганлар, албатта, қирқинчи размердаги этик кийиши шарт.
ФУТДАБЛБОЛ
Футдаблболнинг одатий футболдан фарқи шундаки, унда майдонда икки тўп ва қўшимча бош ҳакам бўлади. Бу спорт турига украиналиклар асос солган. Футдаблбол бўйича биринчи ўйин 2007 йилда «Оболонь» футбол клуби стадионида ўтказилган. Мазкур ўйиннинг ўзига хос томони шундаки, футболчилар икки тўпдан қайси бирини тепишни билмай, иккиланиб қолишади, ақлли ва эҳтиёткор ўйинчилар эса бу имкониятни тажрибасиз рақибларига беришади. Кўпинча томошабинлар бир вақтнинг ўзида иккала бурчак тўпи амалга оширилганини ёки қарама-қарши дарвозаларга гол киритилганини кўришлари мумкин.
Низомжон ИСЛОМОВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
