"Барселона" ҳимоячиси Дани Алвеснинг агенти Динора Санта Ана ўз мижозининг каталонияликлар билан шартномасини узайтирмаслигини маълум қилди.
"Биз "Барселона" билан музокараларни ир йил кутдик. Бизга иккита таклиф бўлди, аммо "Барса"нинг таклифини кутиб, уларни тўхтатиб турдик.
Бошқа клуб Данига катта маош ва кейинчалик яна бир йилга узайтириш мумкин бўлган банд билан уч йиллик шартнома тклиф қилди. Аммо "Барселона" бундай пулларни бера олмаслигини айтди.
Дани, ҳозирги олаётган маош билан клубда қолишга рози эди, аммо улар кейинчалик икки йилга узайтириш банди билан бир йиллик шартнома таклиф қилдилар. Бугун расмий таклиф келди.
Таклиф шартига кўра, Дани шартномасини узайтириши учун клуб сафида 60та ўйин ўтказиши шарт эди.
Биз "Барселона"дан кўпроғини кутган эдик. Музокаралар тугади. У яхши ўйнаб, шартномасини охирига етказиб қўяди.
Бизда иккита таклиф бор, аммо "ПСЖ" ҳақида ҳеч нарса билмайман", - дейди агент.
Матнда хатолик топсангиз, ўша хатони белгилаб, бизга жўнатинг (Ctrl + Enter).