“Манчестер Юнайтед” Премьер-лига доирасида ўтказилган 32-тур баҳсида “Манчестер Сити”ни ўз майдонида қабул қилиб, 4:2 ҳисобида ғалаба қозонди. Кўпчилик учун кутилмаган ва ҳайратланарли натижа бўлди. Аммо, шу ўринда бир савол туғилади: “Манчестер Юнайтед”нинг ғалабаси ҳаққониймиди? Юқоридаги савол бежизга бугун кўтарилгани йўқ. Сабаби, учрашувдан сўнг бир қанча футбол иҳлосмандлари (“МЮ” мухлислари бундан мустасно бўлсалар керак) “қизил иблислар”нинг ғалабаси ҳаққоний бўлмаганини ва ҳакамлар ушбу ўйинда “МЮ”га кўмаклашганини таъкидлаб ўтишди. Эмишки, Эшли Янг томонидан киритилган голдан бошқа барчаси ўйиндан ташқари ҳолатдан киритилган. Ана шу гаплар нақадар рост экани ва ҳакамлар чиндан ҳам “МЮ”га ён босганми ёқми, қўйидаги материаллар орқали билиб оламиз. Эшли Янг мувозанатни тиклаганидан сўнг, “МЮ” асосан муваффақият келтирган, яъни, Эшли Янг ҳаракат қилган чап қанотдан ҳужумлар уюштира бошлади. 27 дақиқага келиб Эшли Янг ва Дэйли Блинд бошлаган комбинацион ҳужумни Маруан Феллайни бош билан берилган аниқ зарбаси орқали якунлади. Ана шу вазиятда бельгиялик футболчи оффсайд ҳолатидан гол урди, дея норозилик билдирганлар бўлди. Ҳақиқатдан ҳам Феллайни ўйиндан ташқари ҳолатда қолиб кетгандек эди, аммо, эътибор бериб қарасангиз, у тўпни сўраб қўли билан ишора қилган вақтда тўп узатилаётган эди. Унинг гавдаси ва оёқлари Гаэль Клишиники билан бир чизиқда жойлашганди. Шунинг учун ҳам ён чизиқ ҳаками бу ерда ҳеч қандай қоидабузарликни аниқламади.
“МЮ”нинг учинчи голида эса 100% оффсайд бор эди. Буни тан олишдан бошқа иложимиз йўқ. Уэйн Руни жамоадоши Хуан Матага тўп узатаётган вақтда испаниялик ярим ҳимоячи аллақачон ўйиндан ташқари ҳолатга чиқиб бўлганди. Афсуски, ён чизиқ ҳаками бу вазиятни ё кўрмади, ё умуман кўришни истамади.
Ана энди Крис Смоллинг гол киритган вазиятни эсланг. Эшли Янг жарима зарбасини ишлаб олди ва уни ўзи бажарди. Юқоридан узатилган тўпга Крис Смоллинг баланд сакраб боши билан зарба берди. Тўп кичик рикошет ҳолатида Жо Харт қўриқлаётган дарвоза тўридан жой олди. Ана энди қуйидаги фото лавҳага эътиборингизни қаратинг.
Бир қарашда Майкл Кэррик, Маруан Феллайни ва Крис Смоллинг ўйиндан ташқари ҳолатда турганлигини кўриш мумкин. Аммо, суратга эътибор билан назар ташласангиз, Майкл Кэрик ортида Элакиум Мангалани кўришингиз мумкин. Кэррик уни шунчалик қўриқлади-ки, уни фақат секинлашган ҳолда ўша ерга ўтиб олганини кўриш мумкин.
Эшли Янг тўпни узатишга тайёргарлик қилаётган вақтда Мангана олдинга қараб ҳаракатланмоқда
Бу фото суратда эса Мангала Кэррик ортига “беркиниб” улгурганди
Хатто тўп ҳавода учаётган вақтда ҳам Смоллинг Мангаладан бир қадам ортда эди Ён чизиқ ҳаками вазиятга тўғри баҳо берганини ва эътирозлар ўринсиз эканини яққол кўришимиз мумкин. Шу ўринда, “Манчестер Сити” ҳам ҳакамлар бригадасига ташаккур билдириши лозим. Биринчи бўлим якунида Винсент Компани Дэйли Блиндга нисбатан ишлатган қўполлиги учун майдондан четлатилиши лозим эди, аслида.
Аммо, ён чиқиз ҳаками билан маслаҳатлашган Марк Клаттенбург қайсидир маънода “Ман Сити” жонига оро кирди. Чунки бельгиялик футболчининг қоидабузарлиги қизил карточкага тортган эди. Агарда Компани майдонни тарк этганида, "Ман Сити" бунданда йирикроқ ҳисобда мағлубиятга учраши мумкин эди. Нима бўлганда ҳам қарорлар қабул қилинди, учрашув якунланди. “Манчестер Юнайтед”нинг ғалабасини соф деб бўлмайди, аммо, улар 3 очкога муносиб ўйин кўрсатишди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Андижон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
