Тошкентнинг "Локомотив" клуби Англиянинг "Флитвуд Таун" жамоаси билан ҳамкорликни йўлга қўйиш бўйича келишувга эришди. Бу ҳақда "Флитвуд Таун" расмий сайти хабар тарқатди.
Ушбу жамоа Англия иккинчи дивизиони вакили ҳисобланади. Шу кунларда "Локомотив" раҳбарларидан бири Алишер Пўлатов ва клуби маркетинг бўйича менежери Даврон Азизов Англияда бўлиб туришибди.
"Биз клубимизни ҳам майдонда, ҳам майдон ташқарисида юқори савияда ривожлантиришни истаймиз. Буюк Британия узоқ йиллик футбол тарихига эга. Шу боис ушбу мамлакат клуби билан ҳамкорликни йўлга қўйишга қарор қилдик. "Флитвуд" қисқа вақт оралиғида юқори натижаларга эришди ва уларнинг келажак учун тузган режалари жуда қизиқарли. "Флитвуд" биз билан ҳамкорлик қилишга рози бўлганидан хурсандмиз. Ҳар иккала томон учун манфаатли бўлган ҳамкорликдаги ишларни бошлашни интизорлик билан кутамиз ҳамда Тошкент ва Флитвуд ўртасидаги узоқ йиллик дўстона алоқа ўрнатилишини истаймиз", - дейди Алишер Пўлатов.
"Флитвуд Таун" ва "Локомотив" жамоалари ҳамкорлик шартномасига имзо чекишади. Темирйўлчилар академияси тарбияланувчилари Англияда малака ошириш имкониятига эга бўлишади. Шунингдек, жамоалар тижорат соҳасида ҳам шерикчилик қилишади. 2016 йилдан бошлаб жамоаларга ҳомийларни жалб қилиш ишлари бошланиши режалаштирилган. "Флитвуд" академияси тарбияланувчилари ҳам ўртоқлик ўйинини ўтказиш учун Ўзбекистонга ташриф буюришади.
"Мен "Флитвуд" яратган ривожаниш модели билан танишдим. Улар энг қуйи нуқтадан юқори қадар барчасини ишлаб чиқишган. Биз ҳам Ўзбекистон чемпионатининг иккинчи лигасидан иштирокимизни бошлаб, ҳозирда Олий лигада ва Осиё чемпионлар лигасида иштирок этяпмиз. Келажакда ёшлар футболи доирасида яхши ҳамкорликни йўлга қўйишни истаймиз", - дейди Даврон Азизов.
"Биз ҳар томонлама ҳамкорликни мустаҳкаламоқчимиз. "Локомотив" билан ҳамкорлик орқали ўз бизнесимизни ҳам ривожлантиришни истаймиз. Шунингдек, ўйинчилар борасида ҳам ғоялар йўқ эмас. Қизиқарли ҳамкорлик бўлади", - дейди "Флитвуд Таун" ижрочи директори Стив Курвуд.
Ҳамкорлик тўғрисидаги шартнома келаси ҳафтада Тошкентда имзоланаши кутилмоқда.
Маълумот учун, "Флитвуд Таун" жамоаси 1908 йилда ташкил этилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
