Бугун “Марказий” стадион қошидаги анжуманлар залида эртага бўладиган “Насаф” – “Ал-Аҳли” (Саудия Арабистони) учрашуви олдидан матбуот анжумани бўлиб ўтди. Матбуот анжуманинг биринчи қисмида “Насаф” жамоаси бош мураббийи Рўзиқул Бердиев ҳамда марказий ҳимоячи Мақсуд Каримовлар иштирок этишди.
Рўзиқул Бердиев:
– Эртага биз учун ҳал қилувчи ўйин бўлади. Гуруҳдаги бошқа ўйинга эътибор бермоқчи эмасмиз. Мақсадимиз ўйинда ўзимиз учун муҳим бўлган натижага эришиш. Тайёргарлик ҳам шунга яраша бўлди.
Мақсуд Каримов:
– Эртага ҳаммамиз учун муҳим ўйин ҳисобланади. Бу ўйинга пухта тайёргарлик кўрдик. Эртага бор диққат эътиборимиз билан ўйнашимиз керак, чунки биргина хато қимматга тушиши мумкин. Умид қиламанки, қашқадарёлик мухлисларни ғалабамиз билан хурсанд қиламиз.
– Мана меҳмонлар ҳали ҳам Қаршига етиб келгани йўқ, яъни ўйинга жуда қисқа вақт қолганда келиши кутилмоқда, бу сизга қандайдир қўшимча имконият туғдирадими?
– Уларнинг қачон келиши ёки кечикиб келиши биз учун қўшимча ҳеч қандай имконият туғдирмайди. Биз учун фарқи ҳам йўқ. Аммо биламанки Жидда шаҳридан уч соатда Қаршига етиб келса бўлади. Бунга биз эътибор бераётганимиз йўқ.
– “Ал-Аҳли” билан бўлган ўтган ўйиндаги хатолар ўрганилдими?
– Албатта, хатолар устида доимо ишлаймиз, бу сафар ҳам шундай бўлди. Фақат эртага йигитларимиз ўз зиммаларига юклатилган вазифаларни бекаму-куст бажаришса бўлди.
– Эртага Шуҳратни Муҳаммадиев майдонга тушадими?
– Бизда йўқотишлар бор, Шуҳратни жароҳати биз кутмаган даражада чўзилиб кетди, унинг майдонга тушиши ёки тушмаслигини эртага ҳал қиламиз. Бундан ташқари эртага бизга Фарруҳ Сайфиев ҳам ёрдам кўрсата олмайди. Албатта, майдонда йўқ ўйинчини ўрнини билдирмайдиган ўйинчиларимиз бор.
– “Ал-Аҳли” жамоаси билан учрашувни таҳлил қилган бўлсангиз, рақибда қандай ижобий ўзгаришларни кузатаяпсиз?
– Уларни ўйинида жуда кўп ижобий ўзгаришлар бор. Рақибимизни ички чемпионатдаги ўйинларидан ҳам буни кузатиш мумкин.
– “Насаф”да ҳужум чизиғи қачон яхшиланади? Алоҳида мураббийлар улар билан шуғулланишадими?
– Бизда ҳужумчилар билан алоҳида шуғулланадиган мураббий йўқ. Биз ҳамма ўйинчилар билан биргаликда машғулот олиб борамиз. Аммо, уларга алоҳида кўрсатмалар берилади. Тўғри, бизга кейинги пайтда мана шу савол билан мурожаатлар жуда кўпайиб кетди. Буни эътиборга оламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
