Бугун Жанубий Корея кей-лигасининг 9-туридан ўрин олган икки ўйин бўлиб ўтди. Дастлаб чемпионат пешқадамларидан ҳисобланган "Поханг Стилерс" клуби кутилмаганда ўз уйида аутсайдер "Бусан Ай - Парк"ка 1:2 ҳисобида мағлубиятга учраган бўлса, Жежудо оролида жойлашган "Жежу Wорлд Cуп Стадиум"да эса турнинг марказий учрашуви бўлиб ўтди.
Мезбон "Жежу Юнайтед" ўз майдонида кей-лиганинг исталган жамоасини мағлуб этишга қодир жамоа саналади. Бугун ҳам бу исботини топди. Дастлабки дақиқалардан бошлаб мезбонлар ташаббусни қўлларига олишга интилишди. Аммо ўйиндаги тезкор голни меҳмонлар киритишди. 7-дақиқада мезбонлар футболчиси О Бан Сок жарима майдончаси ташқарисида қўполлик ишлатди ва 25 метрлар узоқликдан белгиланган жарима зарбасини Сервер Жепаров амалга оширди. Ҳамюртимиз тепган тўп дарвозанинг юқори чап бурчагидан ўрин олди.
Шундан сўнг "Жежу Юнайтед" футболчилари босимни кучайтиришди. Мезбонлар 1-бўлим сўнггига қадар хавфли хужумлар уюштиришди. 2-бўлим ҳам кутилганидек мезбонларнинг устунлиги остида бошланди. Бўлим бошланиши биланоқ мезбонларнинг тажрибали хужумчиси Канг Су Ил ҳисобдаги мувозанатни тиклади. Умуман олганда, 2-бўлимда қайси жамоа гол киритса шу жамоа руҳан устунлик қилиб, якунда ғалаба қозониши аниқ эди. Киритилган гол мезбонларни анча руҳлантирди.
Ўз навбатида улсанликлар қарши хужумларга таяниб, вазият яратишга уринишди. Ўйин дурангли якунга яқинлашаётган бир пайтда, 89-дақиқада Жанубий Корея терма жамоасининг собиқ яримҳимоячиси Юн Битгарам мезбонларга ғалаба келтирган голни киритди. Бугунги ўйинда Ўзбекистон терма жамоасининг сардори Сервер Жепаров 90 дақиқа ҳаракатланди, улсанликларнинг ягона голини киритди ва 86-дақиқада сариқ картрочка олди.
Жанубий Корея кей-лигаси. 9-тур.
ЖЕЖУ ЮНАЙТЕД - УЛСАН ҲЁНДЕ 2:1
Жежу Юнайтед: Ким Кёнг Мин - О Бан Сок (Шим Кванг Ук, 77), Алекс, Ким Су Бом, Ким Бонг Ре - Янг Жун А, Юн Битгарам, Лопез - Бе Ки Жонг (Ким Ҳён, 81), Жонг Ёнг Чонг (Жонг Ун Гю, 54), Канг Сул.
Улсан Ҳёнде: Ким Сеунг Гю - Жонг Донг Ҳо, Им Чанг У, Ким Кин Ҳван, Жонг Сунг Ҳён - Масуда, Ҳа Сонг Мин, Ким Те Ҳван, Сервер Жепаров, Тарта (Ан Ҳён Бом, 71) - Ким Шин Ук.
ОТАБЕК ЙЎЛДОШЕВ
ЖАНУБИЙ КОРЕЯ, СЕУЛ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
