Рустам Мирсодиқов: "Футболда кўп нарса омадга боғлиқ"
Олий лиганинг 9-тур ўйини "Насаф" - "Металлург" (0:1) учрашувидан сўнг ташкил этилган матбуот анжуманининг дастлабки қисмида меҳмонлар бош мураббийи Рустам Мирсодиқов иштирок этди.
"Ўйин ҳақида нима дейиш мумкин? Учрашувдан кейин тезда беллашув ҳақида бирор фикр билдиришим қийин. Ҳаммасини ўзинглар кўрдинглар. Албатта, ғалаба "Насаф"га зарур эди. Баҳсдан олдин Рўзиқулга айтдим, укам ОЧЛда сизларга мухлислик қилдик. Лекин "Насаф" битта гол ура олмади. Масалан бугун ҳам улар битта гол уришганида биз ютқазардик. Футболда бунақаси бўп туради. Кўп нарса омадга боғлиқ. Масалан "Реал" ва "Ювентус" ўйинини олайлик. Мадридликлар таркибида маҳоратли футболчилар жуда кўп эди. Лекин ўша баҳсда уларга омад кулиб боқмади ва натижада "Ювентус" финалга чиқди. "Насаф"да ҳам маҳоратли футболчилар жуда кўп. Лекин уларга бугун омад кулиб боқмади. ОЧЛда энг яхши ўйнаган жамоа "Насаф" бўлади. Рўзиқул Бердиев Қаршида жуда яхши жамоани шакллантирган. Бирданига учта мусобақада кураш олиб бориш қийин иш", - дея ўз фикрлари билан ўртоқлашди "Металлург" бош мураббийи Рустам Мирсодиқов.
Манба: www.metallurg-pfc.uz
Киритилди: 22:04, 15.05.2015. Ўқилди: 3201 марта. Фикрлар: 7 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар