Англия Премьер лигасида 1994/95-йилги мавсумдан бошлаб ҳар ойда энг яхши футболчилар аниқлаб келинади. Қуйидаги мақола орқали АПЛда ойнинг энг яхши футболчиси номини энг кўп қўлга киритган футболчилар ҳақида маълумот бериб ўтамиз.
Френк Лемпард – 4 марта
2003 (сентябр), 2005 (апрел), 2005 (октябр), 2008 (октябр)
Лемпард «Челси»да тўп сураётган пайтида 4 марта ойнинг энг яхши футболчиси бўлган. Френк охирги маротаба мазкур совринни бундан 7 йил олдин қўлга киритган.
Криштиану Роналду – 4 марта
2006 (ноябр), 2007 (декабр), 2008 (январ), 2008 (март)
Португалиялик футболчи «Манчестер Юнайтед» сафида 4 бора ойнинг энг яхши ўйинчиси деб топилган. Роналду 2007/2008 йилги мавсумда 3 марта ушбу совринга эга чиққан. Қолган биттасини эса 2006 йилнинг ноябрида қўлга киритган.
Деннис Бергкамп – 4 марта
1997 (август), 1997 (сентябр), 2002 (март), 2004 (феврал)
Голландиялик «учмас голланд» Бергкамп ҳам 4 бора ойнинг энг яхши футболчиси деб топилган. У 1997 йилда икки марта совриндор бўлган. Шунингдек 2002 ва 2004 йилларда ҳам бир мартадан эътироф этилган.
Алан Ширер – 4 марта
1994 (ноябр), 1998 (сентябр), 2002 (декабр), 2003 (октябр)
Англия Премер лигаси тарихидаги энг сермаҳсул футболчи ҳисобланадиган Ширер ҳам 4 бора ойнинг энг яхши футболчиси деб топилган. У илк совринини 1994 йилда қўлга киритган бўлса, охиргисига орадан 9 йил ўтиб эришган.
Пол Скоулз – 4 марта
2003 (январ), 2003 (декабр), 2006 (октябр), 2010 (август)
«Манчестер Юнайтед»нинг «сариқ иблиси» Скоулз ҳам юқоридаги футболчилар сингари 4 бора АПЛда ой футболчиси деб топилган. У 2003-йилда 2 марта бу совринга эга чиққан. Қолган иккитасини эса 2006 ва 2010 йилларда қўлга киритган.
Уэйн Руни – 5 марта
2005 (феврал), 2005 (декабр), 2006 (март), 2007 (октябр), 2010 (январ)
«Манчестер Юнайтед»нинг яна бир футболчиси Руни ҳисобида эса бундай совриндан 5 таси мавжуд. Руни 2005-йилда икки марта ой футболчиси бўлган. Охирги марта у ушбу номга 2010-йилнинг илк ойида эришган. Демак 5 йилдан буён Уэйн Плда ой футболчиси бўлолмаяпти.
Робин Ван Перси – 5 марта
2005 (ноябр), 2009 (октябр), 2011 (октябр), 2012 (декабр), 2013 (апрел)
Ван Перси айни пайтдаги жамоадоши Руни билан бир хил кўрсаткичга эга. Робин «Арсенал» сафида 3 марта ва «МЮ» таркибида 2 бора ой футболчиси номини қўлга киритган. Голландиялик ҳужумчи йилнинг сўнгги ойларида анча самарали ҳаракат қилган.
Стивен Жерард – 6 марта
2001 (март), 2003 (март), 2004 (декабр), 2006 (апрел), 2009 (март), 2014 (март)
Премер лига тарихида ойнинг энг яхши футболчиси совринини энг кўп қўлга киритган футболчи бу Жерард ҳисобланади. Стивен совринга 6 марта эга чиққан. Эътиборли томони у ана шу мукофотларнинг 4 тасини март ойида қўлга киритган.
Фурқат Юсупов
Манба: www.Furkat.uz
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
