«Ювентус» тўпурарлари ТОП-10
117 йиллик тарихга эга бўлган Туриннинг «Ювентус» клуби Италияда энг кўп совриндор бўлган жамоадир. Ушбу саҳифамиз орқали сизларга «кекса синорилар» сафида энг кўп гол урган футболчилар ҳақида маълумот бериб ўтамиз.
10. Федерико Мунерати – 112 гол
1922-1933 йилларда «Ювентус» таркибида ҳаракат қилган Мунерати жамоа учун 112 марта гол киритишга муваффақ бўлган. Туринликларнинг ўнг қанот ҳужумчиси вазифасини бажарган Федерико 4 марта Италия чемпионлигига сазовор бўлган.
9. Роберто Баджо – 115 гол
1990-1995 йилларда «кекса синори» шарафини ҳимоя қилган Баджо 115 та голга муаллифлик қилган. Роберто 4 мавсум мобайнида 20 тадан ортиқ гол урган. Италиялик ҳужумчи «Юве» билан 3 та мусобақада зафар қучди. 1993-йилда эса «Олтин тўп» соҳибига айланди.
8. Йон Хансен – 124 гол
Даниялик ҳужумчи 2-жаҳон урушидан сўнг Туринликларнинг ҳақиқий етакчиларидан бири эди. У 1949-1954 йилларда «Ювентус» сафида 124 марта рақиб посбонларини ранжитган. Хансен 2 марта Италия чемпиони бўлди. 1952 йилда 30 та голи билан «А» серия тўпурарлигини қўлга киритди.
7. Петро Анастази – 130 гол
Анастази «Кекса синори» шарафини 1968-1976 йилларда ҳимоя қилиб, 130 та гол урган. Петро 3 карра Италия чемпионлигини қўлга киритади. Италия термаси билан эса Европа чемпионатида ҳам зафар қучган.
6. Борел Феличе – 157 гол
«Юве»да 1932-1946 йилларда ҳаракат қилган Феличе Туринликлар учун 157 гол киритишни уддасидан чиқди. Борел 1933 ва 1934 йилларда қаторасига 2 мавсум «А» серия тўпурарлигини қўлга киритди. Шунингдек ҳужумчи 3 бора Италия чемпионлиги ва 1 марта Италия кубогига сазовор бўлди.
5. Омар Сивори – 167 гол
Аргентиналик футболчи 1957 йилда «Ювентус» сафига келиб қўшилади ва Италия фуқаролигини олиб, ушбу мамлакат учун тўп сура бошлади. Сивори «Ювентус»да 1957-1965 йилларда 167 та гол киритган. Омар 1960 йили чемпионат тўпурари бўлди. Туринликлар билан 7 та мусобақада олтин медалларга сазовор бўлди.
4. Давид Трезеге – 171 гол
Трезеге Турин клубида 2000-2010 йилларда тўп суриб, 171 та голга муаллифлик қилган. Давид «Юве» сафида энг кўп гол урган хорижлик футболчидир. У 2002-йили «А» сериянинг энг яхши тўпурарига айланди. Жамоа билан 4 та турнинрда зафар қучди. Трезеге «кекса синори» «Б» серияга тушиб кетганида ҳам, ўз садоқатини намойиш қилиб, клубда қолишга қарор қилган эди.
3. Роберто Беттега – 177 гол
Беттего «Ювентус» академиясидан чиқиб, юқори чўққиларни забт этган футболчилардан бири. У Туринликлар сафида 1969-1983 йилларда 177 та гол киритишга эришди. Роберто «кекса синори» билан 7 марта Италия чемпиони бўлди. 1980 йилда 16 гол киритиб чемпионат тўпурари деган шарафли номга ҳам сазовор бўлди.
2. Жамперо Бониперти – 179 гол
Бониперти бутун фаолиятини «Ювентус»га бағишлади. У иккинчи жаҳон урушидан сўнг «Ювентус» сафида пайдо бўлди. Жамперо 1946-1961 йиллар давомида 444 учрашув ўтказиб, 179 гол киритишнинг уддасидан чиққан. Бониперти 1948 йилда «А» серия тўпурари бўлди. 5 марта чемпионатда ва 2 бора кубок баҳсларида олтин медалларни бўйнига тақди.
1. Алессандро дел Перо – 289 гол
Дел Перо «Ювентус» афсонасидир. У Туринликлар таркибида 1993-2012 йилларда 705 ўйинда 289 гол киритди ва олдинги рекорд натижани 110 голга яхшилади. Алессандро «Юве» билан 18 та триумфга эришди. Жумладан 3 та Еврокубокларда зафар қучди. Шунингдек Дел Перо клуб сафида 12 та шахсий совринларга ҳам сазовор бўлди.
Юсупов Фурқат
Манба: stadion.uz
Киритилди: 20:14, 04.07.2015. Ўқилди: 4416 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
