ФИФАнинг расмий сайтида Ўзбекистон миллий терма жамоаси ҳимоячиси Анзур Исмоилов билан суҳбат эълон қилинди.
Юқори мақсадларга қарамай, Ўзбекситон Россияда бўладиган ЖЧ-2018 саралаш босқичини омадсиз бошлади, деб ёздаи www.fifa.com. Саралаш босқичининг илк учрашувида КХДР мезбони бўлган ўзбекистонликлар 2-4 ҳисобида мағлуб бўлдиар. Бу натижа турнинг энг катта сюрпризи бўлди. 2014 йилги ЖЧ саралашининг ҳар икки ўйинида бу рақибни таслим қилган ўзбеклар бу учрашувда фаворит саналган эдилар. Бунинг устига ўтказиб юборилган барча 4 гол 36-дақиқагача киритилди.
Январь ойида ўтказилган Осиё Кубоги мусобақасида ҳам Ўзбекистон КХДРни 1:0 ҳисобида ютган эди.
Ўзбекистон терма жамоаси ҳимоячиси Анзур Исмоилов терма жамоасининг имкониятлари ҳақида фикр билдирди.
"Биз табиий майдонда тўп суришимизни кутгандик, аммо ўйиннинг сунъй қопламали стадионда ўтиши мағлубиятимизга сабаб бўлди деб ўйлайман.
Биз Осиёда энг кучлиларданмиз. Терма жамоамиз юқори савияли легионерлардан ва иқтидорли ёшлардан иборат. Саралаш босқичигача бирга жамлана олмадик. .
Сервер Жепаров ҳақида
Мен яқинда Жепаров билан телефонда гаплашдим. У кундан кунга соғаймоқда. Ўйлайманки, кейинги ўйинда у қатнашади.
Игорь Сергеев ҳақида
Игорь Сергеев иқтидорли ўйинчи, кўп ишлайди. Унинг чап оёқ зарбаси жуда кучли, шунингдек, бош билан ҳам жуда хафли ўйнайди. Тўпни яхши назорат қилади, ҳимоячиларни алдаб ўта олади ва кутилмаган қарорлар қабул қилади.
Самвел Бабаян ҳақида ҳақида
Мен уни 18 ёшимдан, "Пахтакор"га қўшилганимдан буён биламан. У жуда яхши мутухассис. Терма жамоани тиклаш учун унинг тажриба ва билимлари етарли. Яқинда у менга қўнғироққилди ва мен терма жамоа учун ўйнашга ҳар доим тайёрлигимни айтдим.
Бабаян меҳнаткаш мураббий. У жамоа руҳини кўтара олади ва ўйинчиларнинг менталитетини ўзгартира олади. Янги ўзгаришларни кўриш учун тўлқинланяпман. Балки, бу менинг жаҳон чемпионатида қатнашиш учун охирги имкониятимдир, шунинг учун терма жамоага ёрдамимни аямайман.Янги бош мураббий билан тўғри йўлга тушиб оламиз деб ҳисоблайман", - дейди Анзур Исмоилов.
Матнда хатолик топсангиз, ўша хатони белгилаб, бизга жўнатинг (Ctrl + Enter).