Бугун 2015 йилнинг 21 июль санаси. Ушбу кунда футбол билан боғлиқ кўплаб муҳим воқеалар рўй берган. Қуйида эътиборингизга уларнинг айримларини ҳавола қиламиз.
1955 йил, 21 июль – ушбу санада аргентиналик машхур футболчи ва мураббий Марсело Бьелса таваллуд топган. 3-3-3-1 ўйин услуби билан танилган.
Бьелса футбол оламида қанчалик машхур бўлмасин, ўзини ҳадеб жамоатчиликка кўз-кўз қилишни ёқтирмайди. У одамлар орасида кам бўлади, шаҳар чеккасидаги оддийгина уйда истиқомат қилади, мобил телефонлардан фойдаланмайди ва ҳар доим спорт костюмида юради.
Бьелса 2001 йили Халқаро футбол тарихи ва статистикаси федерацияси томонидан дунёнинг энг кучли мураббийи деб топилган. Аргентина ва Олимпиа ўйинлари чемпиони.
Айрим маълумотларга кўра, мутахассис энг катта футбол кутубхонаси ва видеотекасига эга.
Бьелса иштирокидаги матбуот-анжумани ОАВ ходимлари билан суҳбатлашишнинг ягона усули. У 3-4 соат давомида ҳам журналистлар саволларига жавоб беришдан эринмайди.
Кўплаб, айниқса, бир неча совринларга эга чиққан мураббийлар Бьелсанинг энг зўр мутахассис деб эътироф этиб, уни ўзларининг кумири сифатида тилга олишади.
1970 йил, 21 июль – ФИФА биринчи марта “фэйр-плей” кўринишидаги совринни ЖЧ-1970 ўйинлари вақтида бирор марта сариқ карточка билан жазоланмаган Перу термасига топиширганди. Ўша вақтдан бери ҳар бир жаҳон кубогидан сўнг энг кам карточка олган жамоа мукофот билан тақдирланиб келинмоқда.
2003 йил, 21 июль – “Челси”нинг янги хўжайини Роман Абрамович клубдаги энг биринчи муҳим трансферларини амалга оширади. Англиянинг энг кучли чап қанот ҳимоячиларидан бири Уэйн Бриж (“Саутгемптон”) 7 миллион фунт, АПЛнинг энг кучли вингерларидан бири Дэмьен Дафф (“Блэбкёрн Роверс”) 17 миллион фунт эвазига “аристократлар” сафига кўчиб ўтади. Иккала футболчи ҳам клубнинг қўлга киритилажак ғалабаларида муҳим роль ўйнади.
2011 йил, 21 июль – чилилик маҳоратли вингер Алексис Санчес 37,7 миллион евро эвазига “Барселона” футболчисига айланди. У “кўк-аноррангилар” сафидаги 3 мавсумда 141 учрашув ўтказиб, 47та тўп киритган.
2012/13 йилги Испания чемпиони, Кубок ва мамлакат Суперкубоги соҳиби, УЕФА Суперкубоги, клублар ўртасидаги жаҳон чемпионати ғолиби.
Санчес “Арсенал”даги дебют мавсумида Англия Кубогини қўлга киритди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
