Жаҳон футболи тарихида жуссаси кичик бўлсада, кўрсатадиган қойилмақом ўйини орқали бутун дунёдаги футбол иҳлосмандлари қалбидан ўрин эгаллаган “чарм тўп” усталари сони кўпчиликни ташкил этади.
Одатда спортчиларнинг, айниқса, футболчиларнинг бақувват бўлишига гувоҳ бўламиз. Лекин бўй-басти кичик ижрочилар ҳам футбол майдонида йўқолиб қолишмайди. Қуйида ана шундай паст бўя эга, аммо футбол тарихида ўз номини қолдира олган ўйинчилар ТОП-7лигини тақдим этамиз.
7. Арчи ЖЕМИЛЛ (Шотландия), 165 см
Шотланд футболи тарихидаги энг машҳур номлардан бири саналадиган Арчи Жемилл ўз вақтида кўплаб футбол мухлисларининг ѐқимтойи эди. Англия премьер лигасида тўп сурган пайти Жемилл “Ноттингем Форест”нинг рақиблари юрагига ғул-ғула соларди. Атиги 165 см бўйга эга бўлган шотландиялик футболчи рейтингимизнинг 7-ўрнида.
6. Пьер ЛИТТБАРСКИ (Германия), 167 см
Пьер Литтбарски – яқин ўтмишнинг моҳир футболчиларидан бири саналади.
“Кёльн” жамоси ва Германия терма жамоаси сафида кўрсатган ёрқин ўйинлари орқали машҳур бўлган ушбу ярим ҳимоячи майдонда ўзининг фаол ҳаракатлари ва яккакурашларда жуда фаол экани билан яққол ажралиб турарди. 1990 йилги мундиал қаҳрамонларидан бирининг бўйи 167 смни ташкил этгани ажабланарли.
5. Жанфранко ЗОЛА (Италия), 165 см
Жанфранко Золани ҳали ҳамон асл тиффозилар қумсаб эслашади. Зеро бўй-басти унчалик улкан бўлмаса ҳам рақиб ҳимоячиларини майдон бўйлаб “етаклаб” юришни қойиллатган ушбу ҳужумчи италян футболи тарихида ўз номини қолдира олган. Бақувват ҳимоячиларни бир неча сониялар ичида алдаб ўта олган Зола 165 см бўйга эга эди…
4. ЗИКО (Бразилия), 170 см
Жаҳон футболининг машҳур афсоналаридан бири Зико ҳам унча катта бўлмаган жуссага эга эди. Бразилиялик тўп сеҳргарининг кўрсатган ажойиб ўйинлари ҳозиргача кўпчилик томонидан тез-тез эслаб, ёдга олиб турилади. 170 см бўйи билан Зико амалга оширган ишларни ортиқча таърифлаб ўтириш шарт эмас, назимизда. Ҳа айтганча, Зико бир неча йил илгари Тошкентнинг “Бунёдкор” жамоасига устоз қилганидан ҳам хабардор бўлсангиз керак…
3. Лионель МЕССИ (Аргентина), 170 см
Ҳозирги кун футболининг икки тимсолидан бири Месси ҳам кичик бўй-бастга эга. Аргентиналик маҳоратли футболчи 170 см бўйи билан қандай ўйин намойиш қилишини бутун дунё билади. “Барса” етакчиси Лео Месси
“Реал” аъзоси Криштиану Роналду билан доимий рақобатда экани ҳеч кимга сир эмас. Аммо бизнинг рўйхатда португалиялик футболчига жой йўқ. Бундан “қироллик клуби” мухлислари ҳафа бўлмасликлари керак. Зеро
Роналду жуссаси кичик футболчилар қаторига кирмайди. Месси эса паст бўй соҳиби бўлсада, ҳар қандай рақиб жамоа ҳимоя қўрғонини ёриб ўта олиши билан донг таратган.
2. Роберто КАРЛОС (Бразилия), 167 см
Атиги 167 см. бўйга эга бўлган бўлсада, бутун дунё футбол ихлосмандлари қалбидан жой эгаллашга улгурган яқин ўтмишнинг энг моҳир футболчиларирдан бири – сўзсиз, Роберто Карлосдир. Карлос “қироллик клуби” сафида тўп сурган пайтлари ҳар қандай рақиб ҳимоясини ёриб ўтишда ва қарама-қарши томон дарвозасига зарба йўллашда доим фаоллиги билан ажралиб турарди. Айниқса, узоқ масофадан бериладиган жуда кучли
зарбалари Роберто Карлоснинг “ташриф қоғози”га айланганди. Кўпчилик эътироф этгаиндек, “пакана” Карлос жаҳондаги энг кучли зарба соҳиби саналарди.
1. Диего МАРАДОНА (Аргентина), 165 см
Юксак иқтидор соҳиби бўлган Марадонани ҳар бир футбол мухлиси яхши танийди. Хатто унинг ўйинларини кузатмаган ёш ишқибозлар ҳам ушбу номни кўп бор эшитишган. Бунга эса атиги 165 см бўйга эгалик қилган ушбу маҳоратли футболчининг юксак истеъдодга эга бўлгани сабабдир. Зеро Марадонанинг паст бўйга эгалигини унинг тезкор ҳаракатлари “ёпиб” кетарди. Жаҳон футболи тарихидаги энг зўр ижрочилардан бири Марадона бизнинг рейтингимизда 1-поғонадан жой олди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
