Мирзаҳаким Тўхтамирзаев ҳақида қизиқарли маълумотлар
Furkat.uz: Мирзаҳаким Тўхтамирзаев Ўзбек футбол шархловчиларининг “юзи” десак алсо муболаға бўлмас. “Спорт” телерадиоканалида амалиётда бўлганимда у киши билан шарҳ жараёнларида иштирок этиб, ўзим учун яхшигина тажриба тўплаган эдим. Ўшанда Мирзаҳаким акадан интервю олишни мақсад қилиб қўйган эдим. Бироқ бу амалга ошмай қолди. Яқинда “Мулоқот интервю” лойиҳасида улар билан ўтказилган интервюни ўқиб қолдим. Ўша суҳбатга асосланиб Мирзаҳаким Тўхтамирзаев ҳақидаги қизиқарли маълумотларни эътиборингизга ҳавола этамиз.
1. 1992-йилдан буён Ўзбекистон МТРКда футбол мусобақалари шарҳловчиси бўлиб фаолият юритади.
2. Ўзбекистон Миллий университети журналистика факултети “Телевидение ва радиоэшиттириш” кафедраси доценти ҳисобланади.
3. Роман Турпишчев номидаги “Энг яхши шарҳловчи” республика мукофоти соҳиби.
4. Журналистикани ўрганишни 14 ёшидан бошлаган.
5. Республика рус тили ва адабиёти, педагогика институтига ўқишга кирган. Касби бўйича рус тили ва адабиёти мутахассиси.
6. Ўз вақтида айрим филмларнинг дубляжида иштирок этган.
7. Қизиқарли учрашувни шарҳлаш шарт эмас, уни томошабин шарҳсиз ҳам кўриши мумкин деб ҳисоблайди.
8. Футбол шарҳларида энг кўп такрорлайдиган сўзи – тўп.
9. “Тақдир ҳазили, ёхуд қушдек енгил бўлинг” филмини севиб томоша қилади.
10. Таомлардан ошни яхши кўради.
11. Спорт турларидан футбол ташқари, волейбол ҳамда стол теннис билан жиддий шуғулланган.
12. Шеъриятга қизиққани боис бўш вақтида шеърлар ўқийди ва уларни ёд олишни хуш кўради.
13. Футбол клубларидан Москванинг “ЦСКА” жамоасига мухлислик қилади.
14. Футболчилардан 70-йилларда Голландия терма жамоасида тўп сурган Йохан Кройфга мухлислик қилган.
15. Овозини асрашга алоҳида эътибор қаратади. Бунинг учун муздек ичимликлар ичмасликка ва кондиционерли хонада камроқ ўтиришга ҳаракат қилади.
Манба: Furkat.uz
Киритилди: 21:01, 22.07.2015. Ўқилди: 10730 марта. Фикрлар: 9 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар