Футболга қизиқадиган одам учун қаерда бўлишнинг фарқи йўқ экан, доимо янгилик қидириб юраркан. Шунинг учун ҳар ҳафта эринмай газета сотиб оламиз. Биз учун ҳаммаси қизиқ - қайси футболчи қанча пулга бошқа жамоага ўтди, ким кимга қизиқяпти, қандай шартнома таклиф қилган ва ҳоказо... Ҳаммасини вақтида билишни истаймиз. Аммо қурғур бундай хабарлар фақат Европа футболи ҳақида бўлади-да. Ўзбекистон футболи хусусида эса ҳеч ўқимаганмиз. Шунинг учун ҳам, «Интерфутбол» газетасида берилган «Илк қалдирғоч» мақоласини ўқиб, жуда хурсанд бўлдим. «Бунёдкор» клуби Сардор Рашидовни қанча пулга сотганини аниқ айтибди. Бўлар экан-ку, мана!
Тўғрисини айтсам, футбол фақат майдондаги ўйин эмас, шунақа хабарлар билан ҳам қизиқ. Биз бу ерда ўтириб олиб, Артуро Видалнинг қанча пул эвазига «Бавария»га ўтганини осонгина билиб олишимиз мумкин, аммо Элдор Шомуродов ва Отабек Шукуровнинг нархини билишда қийналамиз. Қачонгача яширамиз? Бунақада футболнинг кимга қизиғи қолади?
Яна бир нарсани ҳам айтиб қўйиш керак - «Спорт» телеканали мухлисларнинг талабларини тўлиқ бажаролмаяпти. Ҳаттоки, олий лига ўйинларини ҳам кўрсатиб беролмаса, бундай телеканалдан қандай фойда? Қачонгача фақат «Бун-ёдкор» ва «Пахтакор»даги ўйинларни томоша қилиш билан чекланамиз? «Локомотив» стадионидаги учрашувлар ҳам кайфиятга боғлиқ, хоҳласа кўрсатади, акс ҳолда, йўқ. Айтайлик, мен «Динамо»нинг сафардаги ўйинларини жонли тарзда кўришни истасам, фақат Тошкентга боришини кутишим керак. Бошқа вақт бунинг иложи йўқ.
Ушбу муаммолар қачонгача давом этишини айта оладиган киши бормикан? Қачон биз ҳам уйда бемалол ўтириб, ўйинларни томоша қиламиз? Ана, Россияда бир эмас, бир нечта каналдан футбол кўрсатилади, хоҳлаганингни кўрасан. Ўзимизда эса қараб қолганимиз шу «Спорт» канали, у ҳам ёлчитиб трансляция қилмайди. Ахир қизиқ ўйинларнинг ҳаммаси вилоятларда бўлади-ку. Яқинда бир жойда ўқиб қолдим, олий лиганинг биринчи даврасида «Нефт-чи» - «Насаф» ўйинига энг кўп мухлис кирибди (17143). «Бунёдкор»нинг барча уй ўйинларига эса 13354, «Локомотив» стадионига ҳаммаси бўлиб 15097 мухлис тушибди. Энди ўзингиз айтинг, қачонгача «Спорт» телеканали қизиқ ўйинлар қолиб, фақат пойтахтдан трансляция қилади? Бу гаплар ҳар бир мухлиснинг дарди бўлса керак. Мана шу дардга малҳам топсак, футболимиз дардини ҳам аритган бўлардик...
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
