Чемпионлар лигасида ҳам футболчи, ҳам мураббий сифатида ютган инсонлар 6 тани ташкил қилади. Демак бугун биз ана шу футболчи/мураббийлар ҳақида тўхталиб ўтамиз.
Мигел Мунос
Мигел Мунос футболчилик фаолияти давомида 10 йил Мадриднинг «Реал» жамоасида тўп суради. Европа Чемпионлар кубоги ташкил қилинганидан бошлаб, Европада «Реал» ҳукмронлиги бошланади. 1956, 1957 ва 1958 йилларда «Бланкос» турнирда ғолиблик нашидасини суради. Мунос ана шу пайтлари жамоанинг ҳақиқий етакчи ўйинчиларидан бири эди. 1958 йилда бутсасини қозиққа илган футболчи, мураббийлик соҳасига қўл уради ва орадан икки йил ўтиб «Реал»ни қаторасига бешинчи бора ЧКда ғолибликни қўлга киритишида бу сафар мураббий сифатида катта ҳисса қўшади. 1966 йилда эса Мигел мураббийликда ушбу мусобақадаги иккинчи ютуқини қўлга киритади. Мунос Чемпионлар кубогини умумий ҳисобда 5 маротаба боши узра баланд кўтарган.
Жованни Траппатони
Италиялик Траппатони ҳам кучли футболчилардан, кучли мураббий чиқишини исботлаганлардан биридир. Жованни «Милан» таркибида 1963 ва 1969 йилларда Чермпионлар кубогида зафар қучади. Бутсаларини «мих»га илганидан кейин, мураббий бўлган Жованни 1985 йили Мишел Платини етакчилик қилган «Ювентус» билан ушбу нуфузли турнирда ғолибликни қўлга киритади.
Йохан Кройф
ХХ асрнинг 70-йиллари голланд футболи учун жуда омадли тарзда бошланган эди. 1971, 1972 ва 1973 йилларда қаторасига 3 йил давомида «Аякс» Чемпионлар кубогида ғолиблик нашидасини суради. Бунда жамоа етакчиси афоснавий Йоханн Кройфнинг ҳиссаси юқори эди. Ҳужумчи кейинги йили терма жамоаси билан мундиал финалигача етиб бориб, жаҳон вице-чемпиони деган номга эришади. Йоханн футболчи сифатида «Барселона»да унчалик ҳам ёрқин нур соча билмаган бўлса ҳам, мураббий сифатида «Dream team»ни шакллантиради. 1992 йилда «Барса» Чемпионлар кубоги ғолиби бўлади. 1994 йили эса Кройфф жамоаси финалда «Милан»дан қақшатқич зарба қабул қилиб олган эди. Голландиялик афсона ушбу нуфузли турнирда умумий ҳисобда 4 бора муваффақият қозонган.
Карло Анчелотти
«Реал»нинг айни дамдаги устози Анчелотти Чемпионлар кубогини футболчи сифатида 2 маротаба ютиб олишга муваффақ бўлган. 1989 ва 1990 йилларда «Милан» сафида ҳаракат қилган Карло кубокни боши узра баланд кўтаради. Фаолиятини якунлаганидан кейин, мураббийлик соҳасига қўл урган Карло «ота» яна ўзининг жонажон жамоаси «Россонери»лар билан 2003 ва 2007 йилларда Чемпионлар лигасида зафар қучади. 2014 йилда эса Мадридликларни ҳам нуфузли турнир ғолиблиги сари етаклай олди ва Чемпионлар лигасида (кубоги)да мураббий сифатида 3 марта чампион бўлган иккинчи мураббийга айланди. Карло ота бу борада мутлоқ рекорд ўрнатиш имкониятига эга.
Франк Райкард
Голландиялик Райкаард 1995 йилда «Аякс» сафида Чемпионлар кубогида муваффақият қозонади. 1989 ва 1990 йилларда эса қаторасига икки йил «Милан»да ушбу муваффақиятини такрорлайди. ЧКда 3 бора ғолиблик нашидасини сурган Франк, мураббий сифатида ҳам ғалаба қозонади. 2006 йилда Роналдино етакчилик қилган «Барселона»нинг ЧЛда ғалаба қозонишида, жамоа бош мураббийи Раайкарднинг хизматлари беқиёс эди. Афсуски Франк мураббийлик фаолиятини эрта якунлади.
Хосеп Гвардиола
Чемпионлар лигаси (Кубоги)ни ҳам футболчи, ҳам мураббий сифатида қўлга киритган энг охирги инсон бу Хосеп Гуардиоладир. Пеп 1992 йилда «Барселона» сафида ЧК совринига эга чиқади. Мураббийлик фаолиятида ҳам айнан «Барса» билан ушбу нуфузли совринни ғолибига айланди. 2009 ва 2011 йилларда афсонавий Фергюссон бошчилигидаги «МЮ»ни мағлуб этиб, совринни боши узра баланд кўтарган. Гвардиола Европа суперкубогини қўлга киритишда ҳам мутахассис саналади. Футболчи сифатида 1992 ва 1997 йилларда, мураббийликда эса 2009, 2011 ва 2013 йилларда турнирда зафар қучган.
Юсупов Фурқат
Манба: Furkat.uz
Матнда хатолик топсангиз, ўша хатони белгилаб, бизга жўнатинг (Ctrl + Enter).
ОКМК
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
