Италия А Серияси Европанинг кучли чемпионатларидан бири ҳисобланади. Бироқ сўнгги йилларда чемпионатга бўлган қизиқиш тушиб кетди. “Ювентус” чемпионликни ҳеч кимга бермай қўйгани боис, қизиқиш пасайган бўлса ажабмас. Аммо, шундай фаҳрий юлдуз футболчилари борки, қизиқиш олиб киради. Қуйида шундай футболчилар хусусида сўз юритамиз.
Франческо Тотти (“Рома”)
Ёши: 38да
Тотти “Рома”нинг ҳақиқий юраги ҳисобланади. Шу боисдан узоқ йиллардан бери жамоага содиқ хизмат қилиб келяпти. Дарвоқе, Тотти яқинда 39 ёшга киришига қарамай, доимо майдонда фойдали ҳаракатлари билан бошқаларга ўрнак бўлиб келган. “Рома” кейинчалик Тоттисиз қандай кўринишга келишини олдиндан таассавур ҳам қилиш қийин ҳисобланади.
Лука Тони (“Верона”)
Ёши: 38да
Тони баланд ва паст даврларни бошдан кечирган ҳужумчилар тоифасига киради. Доимо майдонда гол уришга одатланган ҳужумчи ўтган мавсум ажойиб ҳаракатлари билан ёдда қолди. Тўпурарликини кўрсатиб, ёшларга ибрат бўла олади. “Верона” чемпионатнинг ўртамиёна жамоаси бўлишига қарамай, Тони уни мавқеини кўтаришда давом этмоқда. Ҳар ҳолда унинг бой тажрибаси клубга фойда келтирмоқда.
Антони Ди Натале (“Удинезе”)
Ёши: 37да
Ди Натале ҳеч ҳам қаримайдиган ҳужумчилардан биридир. Ҳар йили 15тадан ошиқ гол уришга одатланган Антониони ҳам “Удинезе”сиз таассавур қилиш қийин масала ҳисобланади. Бу футболчи олдида қатор яхши таклифлар тушганига қарамай, Ди Натале бу жамоасига содиқ эканлигини доимо кўрсатиб келган. Бу йил футболчи А Серия тарихидаги энг кучли ҳужумчи номини олишга яқин турибди. Унинг голлари шундай номга олиб келиши кутилмоқда.
Мирослав Клозе (“Лацио”)
Ёши: 37да
Германиялик форвард ҳам римда ўзини яхши ҳис қиляпти. Тоттидан фарқли ўлароқ, Клозе “Лацио”да фаолият олиб бормоқда. “Бургутлар”да Миро ажойиб ўйнамоқда. Умуман олганда, А Серияда фаҳрий даражадаги ҳужумчиларнинг фойдаси кўп тегмоқда. Клозе ҳам ўтган йилда клубнинг кўплаб ғалабаларига ҳиссаси қўшганди. Яна бир мавсумлик шартнома тузилганидан сўнг, “Лацио” раҳбариятининг кўнгли хотиржам топган бўлса керак.
Жанлуиджи Буффон (“Ювентус”)
Ёши: 37да
Ҳамон дунёнинг энг кучли дарвозабони номини сақлаб келаётган Буффон туринликларнинг етакчиси ҳисобланади. Қолаверса, Италия терма жамоасида ҳам ўз жойини ҳеч кимга бўшатмасдан келмоқда. Чунки у кучли ва ақлли дарвозабондир. Вазиятларни олдиндан ўқий олади. “Ювентус”нинг ҳар йилги чемпионлигини қўлга киритишида Буффоннинг ўрни катта бўляпти. Хуллас, унинг борлиги чемпионатга кўрк бермоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
