Ҳар бир футболчининг ёшликдаги ўз кумири бўлади. Мухлислик қилаётган футболчисига ўхшаб ҳаракат қилишни ва уларникидек катта ютуқларни қўлга киритишни орзу қилади. Қуйидаги мақоламиз орқали сизлар Агуэро, Ибрагимович, Роналду, Месси ва бошқа машҳур футболчиларнинг ёшликдаги кумирларини билиб оласиз.
Марко Ройс ва Росицки
Марко Ройс “Арсенал” ярим ҳимоячиси Томаш Росицкининг ҳақиқий мухлиси ҳисобланади. У чехиялик ярим ҳимоячига тақлид қилишини тан олган. Росицки ярим химояда ажойиб ўйнагани учун “Кичик Моцарт” номини олган.
Серхио Агуэро ва Майкл Оуэн
“Манчестер Сити” ҳужумчиси Серхио Агуэро Майкл Оуэнни узининг кумири сифатида тан олади. У айнан Оуэнни деб Премьер-Лигани томоша қилишни бошлаган. Агуэрони айтишича АПЛни афзал кўришига Майкл Оуэн сабабчи бўлган.
Фернандо Торрес ва Кико
“Ливерпуль” ва “Челси”нинг собиқ ҳужумчиси Фернандо Торрес “Атлетико”нинг собиқ ҳужумчиси Киконинг ашадий мухлисидир. Кико катта техник имкониятга ва майдонни ажойиб кўриш қобилиятига эга ўйинчи бўлган. У Ла Лигада 271та учрашувда 60та гол киритган.
Эден Азар ва Зайнидин Зидан
“Челси” ярим ҳимоячиси Эден Азар 10 рақамли либос кийишига сабаб, унинг ёшликдаги кумири Зайнидин Зидан айнан шу рақам остида Франция терма жамоасида тўп сурган. У Зидан каби буюк ўйинчи бўлишга умид қилади.
Андрес Иньеста ва Хосеп Гвардиола
1999 йилда Иньеста “Барселона” ўсмирлар жамоасида сардор сифатида Nike Premier Cup мусобақасида ғолиб бўлганда, Пеп Гвардиола асосий жамоанинг ўйинчиси эди. Шундан сўнг Иньеста клубга келгач, Гвардиола унга қараб “Бу бола ҳали бизни барчамизни нафақага чиқаради” деган эди. У кечинчалик кумиридан ҳам яхши ўйинчи бўлиб етишди.
Поль Погба ва Кака
“Ювентус” ярим ҳимоячиси Поль Погба унинг ёшликдаги кумири Андреа Пирло ва Пол Скоулзлар бўлганини айтган. Лекин бир куни унинг ҳақиқий кумири Кака эканлигини айтиб ўтган. Французни доимо бразилиялик футболчининг ўйинлари ҳайратга солган.
Златан Ибрагимович ва Роналдо
ПСЖ ҳужумчиси Златан Ибрагимович бразилиялик афсонавий ўйинчи Роналдонинг ашадий муҳлиси экан. Ибрагимович феноменни ёшлигидаги кумири сифатида тан олади ва уни бутун даврларнин энг зўр ўйинчиси деб атайди. Икки футболчининг фаолияти ҳам ўхшаш, иккиласи ҳам “Интер”, “Милан” ва “Барселона”да тўп суришган.
Хамес Родригес ва Карлос Валдерама
Хамес Родригес ўзининг ватандоши Карлос Валдерамага мухлислик қилиб келган. Лекин Хамес ўзининг кумиридан кўра кўпроқ ютуққа эришмоқчи. Бошқа томондан Валдерама ҳам Хамеснинг мухлисига айланган.
Криштиану Роналду – кумири йўқ
Кўпчилик футболчиларнинг ёшликдаги кумири сифатида Пеле ва Марадонани кўради, лекин Криштиану Роналду ўзининг ёшликдаги футбол қахрамонини эслолмайди. У ўз интервьюларида кумири бўлмаганини айтади ва ёшлигида фақат терма жамоада ўйнашни орзу қилган. Лекин унинг ўғли Лионел Мессига мухлислик қилиши маълум.
Лионель Месси ва Пабло Аймар
Лионель Месси ёшлигида Пабло Аймарга мухлислик қилгани бироз ажабланарли. Аймар техникаси кучли ҳужумкор ярим ҳимоячи бўлган. У жамоадошларига хавли вазиятларни яратиб беришда устун бўлган. Месси эса унга тақлид қилиб ўйнашга ҳаракат қилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
