“Навбаҳор” ва “Пахтакор” жамоалари ўртасидаги учрашувдан сўнг ўтказилган матбуот анжуманининг иккинчи қисмида “Навбаҳор” жамоаси бош мураббийи Бахтиёр Ашурматов қатнашди:
"Ўйин тўғрисида шуни айтиш жоизки, агарда бугунгидек жанговар ўйин кўрсатсаккина бизни мухлисларимиз хурмат қилишни бошлашади ва ўйингоҳга ишқибозларнинг ташрифи кўпаяди. Учрашув тенг курашлар остида кечди. Ўйин олдидан “Пахтакор”да бўйдор футболчилар кўпчиликни ташкил этишини йигитларга айтиб ўтгандик. Шундан келиб чиққан ҳолда ҳар бир ўйинчимизни кимга қарши ўйнашини ҳам белгилаб олгандик. Афсуски, хавсираган ҳолат рўй бериб, рақиб стандарт вазиятдан гол уришга эришди. Натижага таркибдаги муаммолар ҳам ўз сўзини айтганлигини қўшимча қилган бўлардим. Мағлубиятда мураббий сифатида айбдорман. Аммо, Бобир Акбаров тўртинчи сариқ карточка туфайли майдонга туша олмасди. Бу ҳам етмагандек, биринчи бўлимда яна бир ҳимоячимиз Қаҳрамон Маҳаммаджоновнинг ҳам қўли синди. Шу сабабли, у иккинчи бўлимни давом эттира олмади. Бунинг оқибатида мажбурий ўзгаришни амалга ошириб, Азим Аҳмедовни ҳимояга ўтказишга мажбур бўлдик. Бу ҳол эса ярим ҳимоя чизиғимизни кучсизланишига олиб келди. Ўйин борасида гап кетганида, иккита бир-бирига муносиб жамоалар майдонда тўп суришди.
Афсуски, “Пахтакор” омадлироқ бўлиб чиқди ва ғалабани илиб кетди. Ҳакамлар ҳақида гапиришни истамасди. Негаки уларни назорат қиладиган бўлими бор. Баҳони ўшалар беришса яхши бўларди. Шу сабабли, айбни ҳакамдан изламаган бўлардим. Ютқиздикми, бунда мураббий сифатида ўзим айбдорман. Бугунги ўйинда мағлубиятга учраган бўлсакда, мухлисларимиз йигитларни қарсаклар билан кузатиб қўйишди. Бунинг учун ишқибозларимизга миннатдорчилик билдириб ўтардим. Фурсатдан фойдаланиб, жамоанинг сўнгги ўйинлардаги муваффақиятсиз натижалари учун мухлисларимиздан жамоа номидан узр сўраган бўлардим. Афсуски, бу йилги чемпионатни “Навбаҳор” бир текисда ўтказа олмаяпти. Иккинчи давранинг дастлабки учта турида ижобий натижалар қўлга киритилган бўлса, охирги тўртта турда очко олишни уддасидан чиқа олмадик. Шу сабабли, айбни ўзимиздан излашимиз керак. Шу билан биргаликда ўйинимизни кучайтиришимиз лозим. Раҳбарлар ҳам жамоага бўлган эътиборни кучайтиришлари керак. Шунда жамоа натижалари ҳам яхши томонга ўзгаради деб ўйлайман".
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
