Ўтган йили барқарорлик бобида бу клубларга тенг келадигани топилмаганди. Жорий мавсум старти эса ушбу жамоаларнинг мухлислари ҳафсаласини пир қилаётгани ҳам бор гап. Шуни инобатга олиб, гарчи таркибида кучли футболчилар жамланган бўлсада, деярли ҳар бир ўйинда омадсизликка юз тутаётган клублардан тузилган фотогалереяни эътиборингизга ҳавола этишни жоиз топдик.
«Челси»
«Аристократлар» АПЛнинг дастлабки 7та турида атиги 2 марта ғалаба қозонишди. Сўнгги бор «Ньюкасл» билан ўйинда зўрға дурангга эришишди. Чемпионлар Лигасидаги хуш кайфият эса «Порту»дан қабул қилиб олинган мағлубият туфайли бузилди.
«Арсенал»
Биринчи турда уй учрашувида «Вест Хэм»га имконият бой берилганини инобатга олмасак, «тўпчилар» Англия чемпионатини кўнгилдагидек бошлашди. Аммо ЧЛда бироз омад етишмаяпти. «Динамо» Загреб ҳамда «Олимпиакос» билан ўйинларнинг бой берилиши Арсен Венгер жамоасидан «Бавария»ни мағлубиятга учратишни талаб қилиши аниқ.
«Ювентус»
Сўнгги йилларда «А» сериясида қаторасига тўрт марта ғолибликни қўлга киритган «кекса синьора» ўтган мавсум Чемпионлар Лигаси финалига қадар етиб борганди. Жорий йилги Италия чемпионатининг дастлабки 6 тури натижаларига кўра, 1та ғалаба ва 3та мағлубият қайд этган «Юве» турнир жадвалининг 15-поғонасидан жой эгаллаб турибди.
«Милан»
Синиша Михайловичнинг «Милан»и салбий натижалар қайд этиш бобида (3та ғалаба, 3та мағлубиятдан сўнг 11-ўрин) Филиппо Инзагининг «Милан»идан асло қолишмаяпти.
«Севилья»
Ўтган мавсум Европа Лигасида зафар қучиб, Испания чемпионатини 5-ўринда якунлаган жамоанинг аҳволига ҳавас қилиб бўлмайди. Ла-лиганинг сўнгги тур натижаларига кўра, охирги поғонадан жой олган клуб «Сельта» ва «Лас-Пальмас»га имкониятни бой беришга улгурди.
«Боруссия» Менхенгладбах
Ўтган мавсум бундеслигада 3-ўринни қўлга киритган жамоа шу тариқа ЧЛда қатнашиш ҳуқуқини қўлга киритганди. Аммо ички чемпионат стартидаги 5та мағлубият ва Чемпионлар Лигаси гуруҳ босқичида «Севилья»дан қабул қилинган зарба (0:3) Люсьен Фаврнинг кетишига замин ҳозирлади. Шундан сўнг вазият ижобий тус олаётгандек.
«Марсель»
Жамоа ёзда асосий ўйинчиларини сотиб юборди, мавсум арафасида эса Марсело Бьелса ҳам кетди. Шундай экан, ушбу клубнинг Франция чемпионатида 15-ўринни эгаллаб турганини тўғри тушуниш мумкин. Лекин барибир, бу поғона «Марсел»га мутлақо ярашмайди.
«Краснодар»
Ҳамюртимиз Одил Аҳмедов тўп сурадиган клуб ўтган йили чемпионлик учун курашди, еврокубокларда қатнашиш ҳуқуқини қўлга киритди. Жорий мавсумда эса «Мордовия», «Уфа» ҳамда «Терек» сингари жамоаларни мағлубиятга учратолмаяпти. Шу боис, турнир жадвалининг ўртасидан ўрин эгаллаш билан кифояланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
