Бокс. Элнур Абдураимов ЖЧ ярим финалига чиқди!
Қатар пойтахти Доҳа шаҳрида давом этаётган бокс бўйича жаҳон чемпионатида чорак финал баҳслари давом этмоқда. Ўзбекистонлик тўртинчи боксчи ярим финал йўлланмасини қўлга киритди.
60 кг.гача бўлган вазн тоифасида рингга кўтарилган Элнур Абдураимов мўғулистонлик Отгондалай Доржнямбуудан реванш олишга муваффақ бўлди. Ҳамюртимиз рақибини 3:0 ҳисобида мағлубиятга учратди. Бир ой аввал Таиландда ўтказилган Осиё чемпионатининг ярим финалида Абдураимов айнан ушбу боксчига имкониятни бой берганди. Элнур ярим финалда кубалик Лазаро Алваресга қарши жанг қилади.
Кундузги дастурдан ўрин олган чорак финал жангларида Муроджон Аҳмадалиев (56 кг), Фазлиддин Ғоибназаров (64 кг.) ва Бектемир Мелиқўзиев (75 кг) жаҳон чемпионати ярим финалига чиқишганди.
Манба: stadion.uz
Киритилди: 21:43, 10.10.2015. Ўқилди: 3139 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар