• Реклама
• m.std.uz
• facebook
• twitter
• telegram
• instagram
• RSS
• Алоқа

Бугун 13 январь, 2026 йил, сешанба.

• O'zbekcha
• Русская
• English

• LIVE
• Фаол мухлис
• Фут.башорати
• Викторина
• Блог
• Конференция
• Афсоналар
• Видео
• ТВ-Онлайн
• ТВ-дастур
• Трансфер
• Юмор
• Энг-энг...
• Кирманг

• «A» Серия

  жадвал    тақвим    тўпурарлар
  • • 12.01.2026 00:45
    • Интер
    • 2:2
    • Наполи
  • • 12.01.2026 22:30
    • Женоа
    • 3:0
    • Кальяри
  • • 13.01.2026 00:45
    • Ювентус
    • 5:0
    • Кремонезе
  • • 14.01.2026 22:30
    • Наполи
    • -:-
    • Парма
• AFC U-23

  жадвал    тақвим    тўпурарлар
  • • 12.01.2026 21:30
    • Саудия Арабистони
    • 0:1
    • Вьетнам
  • • 12.01.2026 21:30
    • Иордания
    • 1:0
    • Қирғизистон
  • • 13.01.2026 16:30
    • Ўзбекистон
    • 2:0
    • Жанубий Корея
  • • 13.01.2026 16:30
    • Эрон
    • 0:1
    • Ливан
  • • 13.01.2026 21:30
    • Япония
    • -:-
    • Қатар
  • • 13.01.2026 21:30
    • БАА
    • -:-
    • Сурия
  • • 14.01.2026 16:30
    • Ироқ
    • -:-
    • Австралия
  • • 14.01.2026 16:30
    • Таиланд
    • -:-
    • Хитой
• Ла-лига

  жадвал    тақвим    тўпурарлар
  • • 13.01.2026 01:00
    • Севилья
    • 0:1
    • Сельта

Хабарлар архиви

Охирги йилларда “Манчестер дербиси”нинг нуфузи ва шиддати анча ошгани ҳеч кимга сир эмас.  Бунга “Сити”нинг чемпионлик пойгасига қўшилгани ҳам сабабчи бўлди.  Биз мазкур дерби тарихидаги энг сермаҳсул футболчилар ўнлиги билан сизни таништиришга қарор қилдик.
 
10.  Пол Скоулз (“Манчестер Юнайтед”) – 7 гол
Скоулз “Манчестер Юнайтед” таркибида 1994-2013 йиллар давомида тўп суриб 718 ўйинда 155 та гол киритган.  Англиялик яримҳимоячи ана шу голларининг 7 тасини “Манчестер дербиси”да “Сити” дарвозасига киритган.

 
 
9.  Деннис Ваёллет (“Манчестер Юнайтед”) -  7 гол
Ваёллет “Юнайтед” сафида 1952-1962 йиллар давомида тўп суриб 293 та учрашувда 179 та гол киритган.  Деннис клуби таркибида азалий рақибига қарши ўйинларда еттита голга муаллифлик қилган.  Иқтидорли ҳужумчи фаолияти давомида жами 264 гол киритган.
 
8.  Жо Спенс (“Манчестер Юнайтед”) – 8 гол
Спенс 1919-1933 йиллар давомида “Манчестер Юнайтед” таркибида 510 учрашувда 168 та гол урган.  Унинг ҳисобида “Манчестер дерби”ларида урилган 8 гол мавжуд.  Джо карьераси давомида киритган голлари сони 214 тани ташкил этади.
 
7.  Браян Кидд (“Манчестер Юнайтед”,  “Манчестер Сити”) – 8 гол
Кидд 1966-1974 йилларда “МЮ” учун 272 ўйинда 70 гол урган бўлса,  1976-1979 йилларда “Ман. Сити” учун 128 учрашувда 57 голга муаллифлик қилган.  “Юнайтед” тарбияланувчиси “дерби”ларда рақиб посбонларини 8 бора ранжитган.
 
6.  Эрик Кантона (“Манчестер Юнайтед”) – 8 гол
 “Қирол Эрик” 1992-1997 йилларда “Қизил иблислар” сафида 185 учрашувда 82 та тўпни тўғри дарвозага жойлаб қўйган.  Кантона “Манчестер дерби”ларининг энг сермаҳсул легионери ҳисобланади.  Франциялик ҳужумчи “шаҳарликлар”га 8 та гол “подарка” қилган.


 

5.  Колин Белл (“Манчестер Сити”) – 8 гол
Бу футболчи деярли бутун фаолиятини “Манчестер Сити”га бағишлади.  Белл “шаҳарликлар” учун 1965-1979 йилларда 575 ўйинда 177 гол киритган.  “Бери” клуби тарбияланувчиси бўлган Белл “Юнайтед”га қарши баҳсларда 8 бор зафар қучган.
 
4.  Бобби Чарлтон (“Манчестер Юнайтед”) – 9 гол
1954-1973 йилларда “Манчестер Юнайтед” шарафини муносиб ҳимоя қилиб 765 учрашувда 253 та гол уриб клуб тарихидаги энг сермаҳсул тўпурар бўлиб турган Чарлтон “Манчестер дерби”ларида 9 та гол уриб,  яқин яқингача “Юнайтед”нинг бу борадаги энг моҳир тўпурари бўлиб келаётган эди.  Бироқ у ҳозир жамоасининг иккинчи,  умумий рўйҳатнинг тўртинчи поғонасида.
 
3.  Жо Хейз (“Манчестер Сити”) – 10 гол
Хейз “Манчестер Сити” сафида тўп сурган энг яхши тўпурарлардан бири ҳисобланади.  Джо “Манчестер Юнайтед”га қарши ўйинларда 10 та гол урган ва бу борада у яна бир жамоадоши билан иккинчи учинчи ўринларни бўлашиб турибди.
 
2.  Фрэнсис Ли (“Манчестер Сити”) – 10 гол
Френсис 1967-1975 йиллар давомида “шаҳарликлар” таркибида тўп суриб 330 учрашувда 148 голга муаллифлик қилган.  Ли “Сити” билан бир марта чампион бўлган ва “Юнайтед”га қарши баҳсларда ўз ҳисобига 10 та гол ёздириб қўйган.
 
1.  Уэйн Руни (“Манчестер Юнайтед”) – 11 гол
“Манчестер дерби”ларининг мутлоқ тўпурари Уэйн Рунидир.  У 2004-йилдан бери “Сити”га қарши баҳсларда 11 марта рақиб посбонларини хафа қилган.  Руни ҳозирга қадар “МЮ” учун 235 тўп киритган.   Афсонавий Чарлтон рекордини янгилаш учун “Шрек”ка яна 19 гол керак! 


 
Фурқат Юсупов