Қаршининг "Насаф" клуби ўз тарихида илк марта Ўзбекистон кубогини қўлга киритди. Жиззахда бўлиб ўтган финал баҳсидан сўнг Кубок Қарши томон йўл оладиган бўлди.
"Бунёдкор" ва "Насаф" жамоалари ўртасидаги ўйиннинг биринчи бўлимида ҳисоб очилмади. Томонлар анча эҳтиёткор ўйин намойиш қилишди. Тўп назорати Бердиев жамоасида бўлган бўлса, "қалдирғочлар" қарши ҳужум тактикасини танлашди.
Иккинчи бўлимда ҳам ўйин сурати ўзгармади. Аммо бўлим ўрталарида ёш ҳимоячи Акром Комилов керакмас жойда иккинчи сариқ карточкани олиши тошкентликларга қимматга тушди. "Насаф" бир киши кўп бўлиб ўйнай бошлаганидан кейин муҳим голларни уришга муваффақ бўлди. Жарима майдончаси ташқарисида Геворкянга нисбатан ишлатилган фол учун "стандарт" белгиланди. Туркманистонлик футболчи тўпни ажойиб тарзда дарвоза тўрига жойлади.
Орадан 3 дақиқа ўтиб эса бу сафар бурчак тўпидан кейин Шерзод Аъзамов яқин масофадан дарвозани ишғол қилди.
Ўйин тугашига 9 дақиқа қолганида "Бунёдкор" қарши ҳужумда "Насаф"ни жазолади. Сато Минорининг зарбасидан кейин тўп ҳимоячига теккан ҳолда дарвоза тўрига бориб тушди.
Қолган дақиқаларда жамоалар боршқа гол ура олишмади. Натижада "Насаф" Ўзбекистон кубогини Қарши томон олиб кетадиган бўлди.
Ўзбекистон кубоги, финал
"БУНЁДКОР" - "НАСАФ" - 1:2 (0:0)
Голлар: Шерзод Аъзамов (84-автогол) — Артур Геворкян (71), Шерзод Аъзамов (74)
Огоҳлантиришлар: Иван Милошевич (15), Акром Комилов (39) — Шуҳрат Муҳаммадиев (31)
Четлатиш: Акром Комилов (64)
"Бунёдкор": 25.Муроджон Зуҳуров, 2.Акмал Шораҳмедов, 6.Анвар Ғофуров (С), 7.Шакер Зуаги, 9.Минори Сато, 13.Иван Милошевич, 17.Достонбек Ҳамдамов, 19.Забиҳилло Ўринбоев, 22.Рустамжон Ашурматов, 39.Элдор Шомуродов, 48.Акрамжон Комилов
Захира: 45.Акбар Тўраев, 5.Дилшод Жўраев, 14.Воҳид Шодиев, 20.Самир Бекрич, 27.Сардор Собирхўжаев, 77.Виктор Карпенко, 88.Анвар Ражабов
"Насаф": 25.Элдорбек Суюнов, 4.Мақсуд Каримов, 9.Илҳом Шомуродов, 17.Артур Геворкян (С), 18.Баҳром Абдураҳимов, 20.Эркин Бойдуллаев, 22.Шоҳрух Гадоев, 23.Шерзод Аъзамов, 28.Шуҳрат Муҳаммадиев, 33.Одилжон Ҳамробеков, 34.Фаррух Сайфиев
Захира: 30.Ўткир Юсупов, 6.Азизжон Ғаниев, 7.Акромжон Баҳриддинов, 10.Алишер Юсупов, 16.Алишер Юсупов, 32.Ҳамза Каримов, 41.Азамат Алланиязов
Ҳакамлар: Равшан Эрматов, Абдуҳамидулло Расулов, Жаҳонгир Саидов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
