Жума куни фарғоналик футбол мухлислари учун катта байрам. Шу куни Фарғонадаги “Истиқлол” стадионида навбатдаги водий дербиси бўлиб ўтади. Олий лига 28-тур доирасидаги “Нефтчи” – “Қўқон-1912” ўйини барчанинг диққат марказида десак муболаға бўлмайди. Эътиборингизга бу жамоаларнинг ўзаро ўйинлардаги статистик маълумотларни тақдим этамиз.
20-тўқнашув
Мазкур жамоалар шу кунга қадар Олий лига доирасида 19 бора тўқнаш келишган. Натижалар “Нефтчи”нинг каттагина устунлигини кўрсатмоқда. “Нефтчи” 17та ўйинда ғолиб бўлган, 2 марта дуранг қайд этилган. “Қўқон-1912” бу рақибни умуман мағлуб эта олмаган. Тўплар нисбатида катта устунлик “Нефтчи” томонида – 62:22. Ўзаро ўйинларда “Нефтчи” 53 очкога эга бўлган бўлса, “Қўқон-1912” 2 очкони қўлга киритган.
Фарғонада бўлиб ўтган барча учрашув:
08.09.2003
Нефтчи – Қўқон-1912 6:2 (4:0)
29.06.2002
Нефтчи – Қўқон-1912 6:3 (1:2)
29.10.2000
Нефтчи – Темирйўлчи 4:0 (3:0)
06.04.1999
Нефтчи – Темирйўлчи 5:1 (3:0)
04.04.1998
Нефтчи – Темирйўлчи 4:2
06.10.1995
Нефтчи – Темирйўлчи 4:2
31.05.1994
Нефтчи – Темирйўлчи 3:1
06.04.1993
Нефтчи – Темирйўлчи 1:0 (0:0)
21.06.1992
Нефтчи – Темирйўлчи 1:0
Факт: Бу жамоалар сўнгги бор Фарғонада 2003 йил тўқнаш келишган унда йирик 6:2 ҳисоби қайд этилган.
Биринчи даврадаги учрашув
19 июнь куни ушбу жамоалар Қўқондаги “Марказий” ўйиноҳда ҳисоб-китоб қилишганди. Ушбу баҳс шиддатли ва кескин курашлар остида ўтганди. Якунда омад фарғоналикларга кулиб боққанди.
Олий лига
13-тур
«Қўқон-1912» (Қўқон) – «Нефтчи» (Фарғона) 1:2
Голлар: Нодирбек Қўзибоев, 13. – Шукурали Пўлатов, 40. Акмал Холматов, 48.
“Қўқон-1912”: 16.Андрей Бакланов, 3.Ҳасанбой Эргашев, 5.Жалил Кимсанов, 6.Баҳодир Акрамов, 8.Нодир Қўзибоев, 9.Ноcир Отақўзиев (19.Владимир Аргун, 61), 10.Қувондиқ Рўзиев, 11.Дониёр Усмонов, 22.Ориф Мамажонов (17.Азиз Тўхтабоев, 63), 24.Илья Ильин, 29.Игорь Голбан.
Захира: 12.Азиз Ашуров, 15.Маъруф Зокиржонов, 23.Фурқат Ҳасанбоев, 27.Шохрух Холматов, 28.Алексей Николаев.
“Нефтчи”: 30.Евгений Черемисин, 3.Шукурали Пўлатов, 4.Ойбек Нурбоев (44.Умид Қодиров, 45), 7.Мансур Саидов, 8.Акмал Холматов, 9.Шерзод Ҳакимов, 20.Дилёр Эрматов, 21.Муҳсин Убайдуллаев, 22.Рўзимбой Аҳмедов (Аббос Махсталиев, 67), 32.Жаҳонгир Меҳмонов, 33.Сардор Раҳмонов.
Захира: 1.Сергей Смородин, 10.Мурод Бобожонов, 11.Отабек Ҳайдаров, 23.Камронбей Кападзе, 28.Абдуллоҳ Олимов.
Огоҳлантиришлар: Носир Отақўзиев, 27.Ойбек Нурбоев, 39. Муҳсин Убайдуллаев, 64. Азиз Тўхтабоев 90.
Қизиқарли факт
Айни дамда “Қўқон-1912” жамоаси шарафини ҳимоя қилаётган Нодир Қўзибоев вилоят дербиларида ҳар икки жамоа сафида ўйнаган футболчи саналади. Янаям қизиқ жиҳати Қўзибоев ҳар икки жамоа дарвозасини ишғол этган.
2003 йилда 30 ёшли ярим ҳимоячи “Нефтчи” сафида қўқонликлар посбонини ранжитган бўлса, 2015 йилда “Қўқон-1912” таркибида ўйнаб, “Нефтчи” дарвозабонини “хафа” қилган.
Умуман олганда, бугунги кунга келиб, “Қўқон-1912” сафида “Нефтчи”нинг бир қатор собиқ футболчилари тўп сураётганини ҳам таъкидлаш жоиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).