Кеча Қиргулидаги “Нефтчи” СМ стадионида “Нефтчи” – “Қўқон-1912” ўринбосарлари ўртасидаги учрашув ўтказилди. Кичик вилоят дербиси мақомини олган ўйин мухлислар кутганидек шиддатли ва кескин курашларга бой тарзда ўтди. Баҳсда 1:1 ҳисоби қайд этилди. Қуйида ушбу ўйиндан тайёрланган фотомақоламиз билан танишинг:
![CIMG4328](http://kokand1912.uz/wp-content/uploads/2015/10/CIMG4328-300x225.jpg)
Учрашувни бошқариб борган ҳакамлар майдонга кириб келишмоқда.
![CIMG4329](http://kokand1912.uz/wp-content/uploads/2015/10/CIMG4329-300x225.jpg)
Футболчилар ҳам майдонча чиқиб келишмоқда. “Нефтчи” ўринбосарлари яшил оқ, “Қўқон-1912” ўринбосарлари эса анъанавий сариқ қора рангли футболкада ҳаракат қилишди.
![CIMG4334](http://kokand1912.uz/wp-content/uploads/2015/10/CIMG4334-300x225.jpg)
Жамоа сардорлари – Сардор Қулматов (Нефтчи) ва Руслан Матниязов (Қўқон-1912) ўйинни ким бошлаб беришига аниқлик киритиб олишмоқда.
![CIMG4336](http://kokand1912.uz/wp-content/uploads/2015/10/CIMG4336-300x225.jpg)
Ўринбосарларимиз эсдалик учун суратга тушишга ҳам улгуришди.
![CIMG4339](http://kokand1912.uz/wp-content/uploads/2015/10/CIMG4339-300x225.jpg)
Муҳсин Низомиддинов бошчилигидаги мураббийлар штаби ўйинни синчковлик билан кузатиб боришмоқда.
![CIMG4345](http://kokand1912.uz/wp-content/uploads/2015/10/CIMG4345-300x225.jpg)
“Нефтчи” ўринбосарлари устози Баҳром Ҳайдаров учрашувнинг аксарият қисмини тик турган ҳолда кузатишга мажбур бўлди.
![CIMG4354](http://kokand1912.uz/wp-content/uploads/2015/10/CIMG4354-300x225.jpg)
Отабек Ҳайдаров ўринбосарлар сафида майдонга тушиб, рақиб дарвозасини ишғол этишга уринган бўлса-да, кеча ундан омад юз угирди.
![CIMG4407](http://kokand1912.uz/wp-content/uploads/2015/10/CIMG4407-300x225.jpg)
Яна бир “Нефтчи”дан ижарага олинган футболчи Ойбек Нурбоев эса жароҳат олиб майдонни тарк этди.
![CIMG4409](http://kokand1912.uz/wp-content/uploads/2015/10/CIMG4409-300x225.jpg)
Ойбек Нурбоев ўрнига Носир Отақўзиев майдонга тушди. Бугун ушбу футболчининг ўрни билмаса бўлгани.
![CIMG4384](http://kokand1912.uz/wp-content/uploads/2015/10/CIMG4384-300x225.jpg)
Достон Мелиқўзиев ўринбосарларимизга ғалаба келтириши мумкин эди. Аммо унга бироз совуққонлик етишмади.
![CIMG4398](http://kokand1912.uz/wp-content/uploads/2015/10/CIMG4398-300x225.jpg)
Бутун ўйин давомида мухлислар мана шундай шиддаткор футбол гувоҳига айланишди.
Матнда хатолик топсангиз, ўша хатони белгилаб, бизга жўнатинг (Ctrl + Enter).