Англиянинг энгсовриндор клуби қайси? Қайси жамоа нечта титулни қўлга киритгани ҳақида биласизми? Қуйидаги мақола орқали биз Англиянинг энг совриндор 10 та жамоаси ҳақида маълумот бериб ўтамиз.
9-10. «Вулверхемптон» - 13 титул
Англия чемпиони - 3 та, Англия кубоги – 4 та, Англия лига кубоги – 2 та, Англия суперкубоги – 4 та
«Вулверхемптон» жамоаси 13 та муcобақада зафар қучган ва уларнинг барчаси ички турнирларда қўлга киритилган. «Бўрилар» 3 марта Англия чемпионлигини тантана қилишганини алоҳида таъкидлаш лозим.
9-10. «Нюкасл» - 13 титул
Англия чемпиони – 4 та, Англия кубоги – 6 та, Англия суперкубоги – 1 та, УЕФА кубоги – 1 та, Интертато кубоги – 1 та
«Нюкасл» ҳисобида ҳам 13 та титул бор. Бироқ «қарғалар» «Вулвер»дан фарқли ўлароқ иккита халқаро кубокни ютишган. Булар УЕФА кубоги ва Интертато кубокларидир.
8. «Манчестер Сити» - 17 титул
Англия чемпиони - 4 та, Англия кубоги – 5 та, Англия лига кубоги – 3 та, Англия суперкубоги – 4 та, Кубок эгалари кубоги – 1 та
«Манчестер Сити» ҳам бундан 4 йил олдин юқоридаги икки жамоа билан бир хил даражада эди. «Шаҳарликлар» сўнгги пайтларда бир нечта кубокларни қўлга киритиб, умумий ҳисобда 8-ўринга кўтарилиб олишди. «Сити» халқаро турнирлардан КЭКдагина ғалаба қозонган холос.
4-7. «Астон Вилла» - 24 титул
Англия чемпиони - 7 та, Англия кубоги – 7 та, Англия лига кубоги – 5 та, Англия суперкубоги – 1 та, Чемпионлар кубоги – 1 та, УЕФА суперкубоги – 1 та, Интертато кубоги – 2 та
«Астон Вилла» жами 7 та мусобақада ғолиб чиққан. «Шерлар» Чемпионлар лигаси, УЕФА суперкубоги ва Интертато каби халқаро совринларга сазовор бўлишган. Шунингдек «Вилла» ҳисобида 7 та мамлакат чемпионлиги мавжуд.
4-7. «Тоттенхэм» - 24 титул
Англия чемпиони - 2 та, Англия кубоги – 8 та, Англия лига кубоги – 4 та, Англия суперкубоги – 7 та, Кубок эгалари кубоги – 1 та, УЕФА кубоги – 2 та
«Тоттенхэм» ҳисобида ҳам 24 та титул мавжуд. «Шпорлар» халқаро турнирларда 2 марта УЕФА кубогини ва 1 бора Кубок эгалари кубоги совринларини ўз музейларига олиб кетишган.
4-7. «Эвертон» - 24 титул
Англия чемпиони - 9 та, Англия кубоги – 5 та, Англия суперкубоги – 9 та, Кубок эгалари кубоги – 1 та.
«Эвертон» Англияда энг кўп мамлакат чемпиони бўлган жамоалар орасида 4-ўринда туради. «Ирислар» 9 карра Англия чемпиони ҳисобланишади. Ливерпуль шаҳрининг иккинчи жамоаси халқаро мусобақаларнинг фақатгина Кубок эгалари кубогидагина ғолиб бўлган.
4-7. «Челси» - 26 титул
Англия чемпиони - 5 та, Англия кубоги – 7 та, Англия лига кубоги – 5 та, Англия суперкубоги – 4 та, Чемпионлар лигаси – 1 та, Европа лигаси – 1 та, Кубок эгалари кубоги – 2 та, УЕФА суперкубоги – 1 та.
«Челси» сўнгги ўн йилликдаги муваффақиятлардан сўнг Англиянинг энг совриндор жамоалари қаторида 4-ўринга кўтарилиб олди. Лондонликлар жами 8 та мусобақада ғолиблик нашидасини суришган. Улар орасида Еврокубокларнинг барчаси мавжуд. Жумладан «Челси» КЭКда икки марта чампион бўлган ягона инглиз жамоасидир.
3. «Арсенал» - 42 титул
Англия чемпиони - 13 та, Англия кубоги – 12 та, Англия лига кубоги – 2 та, Англия суперкубоги – 13 та, Кубок эгалари кубоги – 1 та, УЕФА кубоги – 1 та.
Лондоннинг «Арсенал» жамоаси ҳисобида ички турнирлардаги 39 та чемпионлик мавжуд. «Канонирлар» кубок эгалари кубоги ва УЕФА кубоги каби халқаро мусобақаларда бир мартадан зафар қучишган. Афсуски ҳозирча «Арсенал» Чемпионлар лигасини ютганича йўқ.
2. «Ливерпуль» - 59 титул
Англия чемпиони - 18 та, Англия кубоги – 7 та, Англия лига кубоги – 8 та, Англия суперкубоги – 15 та, Чемпионлар лигаси – 5 та, УЕФА кубоги – 3 та, УЕФА суперкубоги – 3 та.
«Ливерпуль» яқин-яқингача Англиянинг энг совриндор жамоаси эди. «Қизиллар» ҳисобида жамо 59 та титул мавжуд. «Ливерпул» 5 марта Чемпионлар лигасида муваффақият қозониб, бу борада инглиз жамоалари орасида якка пешқадам ҳисобланади. Шунингдек клуб 3 мартадан УЕФА кубоги ва УЕФА суперкубокларини ҳам қўлга киритган.
1. «Манчестер Юнайтед» - 62 титул
Англия чемпиони - 20 та, Англия кубоги – 11 та, Англия лига кубоги – 4 та, Англия суперкубоги – 20 та, Чемпионлар лигаси – 3 та, Кубок эгалари кубоги – 1 та, УЕФА суперкубоги – 1та, Қитъалараро кубоги – 1 та, клублар ўртасидаги жаҳон чемпионати – 1 та.
«Манчестер Юнайтед»га Фергюссон келмасидан олдин жамоа ушбу рўйҳатда 3-ўринда келаётган эди. Ферги даври бошланганидан сўнг эса «қизил иблислар» ички ва халқаро мусобақаларда бирин-кетин совринларни жамғариб боришди. Натижада клуб 60-титулни қўлга киритиб, бу борада «Ливерпуль»дан ўзиб кетгач, Сер Алекс ваъдасининг устидан чиқди ва жамоани тарк этди. Шотландиялик мутахассис Манчестерга ташриф буюрган чоғида совринлар борасида «Ливерпуль»дан ўзиб кетишга ваъда бериб ўтган эди.
Фурқат Юсупов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
