Тўрт карра “Олтин тўп”, уч карра “Олтин бутса” соҳиби Лионель Месси профессионал футболчилик фаолиятини бошланагига 10 йилдан ошди. У ана шу давр ичида 600 дан ортиқ учрашувларда иштирок этди. Биз Леонинг шу пайтгача футбол майдонида олган жароҳатлари ҳақида тўхталиб ўтмоқчимиз.
2006 йил март
19 ёшли вундеркинд Чемпионлар лигасида “Челси”га қарши баҳсда ўнг болдир мушаклари чўзилгани оқибатида сафдан чиқади ва мавсумни эрта якунлайди. Лео ўша мавсумда ҳаттоки Чемпионлар лигаси финалида ҳам қатнаша олмади. Боз устига тақдирлаш маросими ҳам Мессисиз ўтди.
2006 йил ноябрь
Ла Лигада “Сарагоса”га қарши учрашувда Месси чап товон суягини синдириб олди. Натижада аргентиналик 3 ойга сафдан чиқди. Ҳа, 2006 йилнинг охирги 9 ойининг фақатгина икки ойида Месси майдонда тўп сурди. Қолган ети ойни эса жароҳатини даволаш билан ўтказди.
2008 йил март
Месси яна Чемпионлар лигаси учрашувида жароҳат олди. Унинг чап болдири мушаклари лат еди. Бу сафарги даволаниш учун 6 ҳафта вақт кетди.
2010 йил сентябрь
“Атлетико”га қарши беллашувнинг сўнгги дақиқаларида Мадридликлар ҳимоячиси Томаш Уйфалуши митти Мессига ўта қўпол тарзда пешвоз чиқди. Оқибатда Леони замбилда майдондан олиб чиқиб кетишди. Орадан 5 кун ўтгач ҳужумчи индивидуал тарзда шуғуллана бошлади.
2012 йил декабрь
Месси бир йил давомида гол уриш борасида афсонавий Герд Мюллернинг рекордини йўққа чиқараман деб юрган бир пайтда “Бенфика”га қарши учрашувда дарвозабон билан тўқнашиб кетиб, майдонда чўзилиб олди. Мухлислар унинг аҳволидан хавотир ола бошлашди. Бироқ Лео бир кундан сўнг тренажёр залида кўриниш бериб, мухлисларга ҳаммаси жойида эканлигини маълум қилди.
2013-йил ноябрь
Испания чемпионатининг 13-турида “Бетис”га қарши учрашувнинг 22 дақиқасида Лео оёғининг сон қисмидан жароҳат олди. Шундан сўнг у ўйинни давом эттира олмаслиги маълум бўлиб, захирага олинган. Натижада аргентиналик даҳо 8 ҳафтага сафдан чиқди. Ушбу жароҳат Мессининг қаторасига бешинчи маротаба “Олтин тўп”ни қўлга киритишига ҳалақит берди.
2015-йил сентябрь
Орадан сал кам икки йил вақт ўтиб Месси яна 8 ҳафтага сафдан чиқди. У чемпионат доирасида “Лас-Пальмас”га қарши учрашувнинг дастлабки дақиқалрида ҳимоячи Педро Бигас билан тўқнашиб кетди. Тиббий кўрик натижаларига кўра футболчи чап тиззасидан жароҳат олгани маълум бўлди. Месси ушбу ой охирларида сафга қайтиши кутилмоқда.
Фурқат Юсупов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
