Антони Мартиаль янги мавсумни кўтаринки руҳда бошлади, лекин «МЮ» мухлисларининг келажакдаги таҳминлари қандай якунланишини билишадигандек гўё. Антони учун сарфланган сумма бежизга сарф этилмагани секин-аста ойдинлашиб бормоқда. «Олд Траффорд»нинг кўп йиллик мухлислари унда бошқаларга ўҳшамаган иқтидор борлигини бироз бўлсада сезишгани айни ҳақиқат. Қолаверса, АПЛда омадли дебют ўтказган футболчилар сони камчиликни ташкил этаётган бир паллада, бундай истедод соҳиби майдонга тушган ўйинни томоша қилишингиз табиий ҳолат. Ҳўш, «МЮ»нинг аввалги ёш дебютантлари Бебе ёки Македа Мартиалдан кучлироқ деб ўйлайсизми?
Франциялик ўсмирнинг футболга бўлган иштиёқига ҳавас қилса арзийди, у «МЮ»да кундан-кун сайин шаклланиб бораётгани эса турган гап. Кутилмаганда рўй берган трансфер ҳатто аналитикларнинг ҳам кайфиятларига таъсир ўтказмасдан қолмади. Дебют мавсумнинг ажойиб старти балки якуни яхшилик билан тугалланидиган эртакнинг кириш қисмидир, балки трагедиянинг биринчи қисми. Қани кўрамиз, буни вақт ҳал қилади.
Антони МАРТИАЛЬ
Мартиалнинг «Ливерпуль» дарвозасига киритлган голидан сўнг уни афсонавий тўпурар Тьерри Анрига қиёслашди, бироқ кимдур бу ўҳшатиш ноўрин эканлигини таъкидлади: «сиз Федерико Македани биласизми»?
Мартиаь, ҳали гол уришдан чарчаганича йўқ ва 4 голдан кейин ҳам «қизил иблислар»га анча-мунча фойдаси тегяпти. «Сандерленд»га қарши ўйинда франциялик гол ура олмади, бироқ жамоада фаоллик вазифасини бажаришга ҳаракат қилди. Ҳужумчининг Рунига узатган тўпидан сўнг «Сандерленд» дарвозаси иккинчи марта ишғол этилди. Дебют ўйин муваффақиятли якунланди, бироқ бу каби омадли иштироклар мавсум сўнггига қадар давом этармикин? Албатта, бунинг иложи бор, фақат Антони спорт формасини яхши ҳолатда сақлаб, мана шундай аснода ҳаракатланса у албатта, «МЮ»нинг юлдуз футболчиси бўлишига ҳеч қандай гумон қолмайди. Ўтган мавсумнинг трансфер бозори якунланганидан кейин «Олд Траффорд» маркетлари пештахталарида Ди Мария ва Фалькаонинг либосларини учратиш мумкин эди. Айни пайтда эса Мемфис ҳамда Мартиаль жуфтлигини кўриш мумкин. Демак, юқорида келтириб ўтилган эртакнинг асосий қаҳрамонига номзодлар сони кам эмас.
Мемфис ДЕПАЙ
Дебют ўйинида гол киритмаган бўлишидан қатий назар юқори иқтидор - соҳиби. Ажойиб дриблинг ва чиройли голлар муаллифи. Голландиялик ярим ҳимоячининг келажакда маҳоратли футболчи бўлиб етишиши кўп бора эътироф этиляпти. Ҳозирча, Англия майдонларига кўникмаган 21 ёшли футболчида «адаптация» ҳолати рўй бермоқда.
«Манчестер Юнайтед» мухлислари эса бунинг ҳаммасига четдан гувоҳ бўлишяпти ва сукут сақлаб келишяпти. Ҳўш, ажойиб иқтидор Англия премьер лигасига мослаша оладими? Депай йиллар ўтгач Криштиану Роналду ёки Нанининг ўрнини боса оладими? Бунинг барчасини чамаси 2 йиллардан кейин билиб олишимиз мумкин.
Жеймс УИЛСОН
Асосий қаҳрамон бўлиш ролига яна даъвогарлар бор, бироқ уларда бундай мақомга эришиш учун бироз маҳорат етишмайди-да. Жеймс Уилсоннинг Мартиал трансферидан кейин барча умидлари армонга айланган бўлса керак. Жеймснинг асосий таркибга киритилмаётгани, устига-устак уни бошқа клубга ижарага юборишмаётганлари сиз («МЮ» мухлиси)да шубҳа уйғотади. Албатта, бунинг сабаби бор - Хавьер Эрнандес, Ван Перси ва Радамель Фалькао клубни тарк этишганидан сўнг «қизил иблислар» академия тарбияланувчисини тўғри келган жамоага бериб юборишмайди-ку.
Асосийси, Уилсон Англия (U21) терма жамоаси сафида бошқалардан мутлақо ажралиб турибди. Мабодо, Жеймснинг франциялик жамоадоши Мартиалнинг Англияда ови бароридан келиб, голлар киритишни давом эттирса англиялик ҳужумчининг майдонда кўриниш беришини интизорлик билан кутиб қоламиз.
Андреас ПЕРЕЙРА
Лига Кубоки баҳсида «Ипсвич Таун» дарвозасига жарима зарбасини қойилмақом қилиб бажарган Андрес Перейрани ёдга олмасликнинг иложи йўқ.
Бразилиялик ярим ҳимоячида етарлича истедод борлигини оддий мухлис ҳам бемалол англаши мумкин. Ҳар ҳолда, Мата унга жарима зарбасидан фойдаланишни қолдириб хато қилмади. Учрашувда Перейра бор кучи билан рақибларга тўсқинлик қилди ва бу фаоллик билан Ван Гаалга асосий таркибдан ўрин бериши учун шама қилди. Бироқ, «МЮ»да унинг ўрнини боса оладиган кўплаб юлдуз футболчилар мавжуд.
Бастиан ШВАЙШТАЙГЕР
Бастиан Швайнштайгер «Олд Траффорд» мухлислари томонидан илиқ кутиб олинди. Ҳатто «Сандерленд» билан ўтган ўйинда, мухлислар у севиб тинглайдиган «Deutscher Fussballmeister» қўшиғини ҳиргоя қилишди. Мартиалнинг ёши 19да бўлишига қарамай, «МЮ»да ҳали омадсиз ўйин ўтказмади. Унинг бундай қилишга ҳаққи йўқ.
Люк ШОУ
Биласиз, футбол – жиддий қаршиликларга бой спорт тури. Яқинда жароҳат олган Люк Шоунинг энг яхши мавсуми балки олдиндамиди, гўёки уни бошламасдан аввал якунлаб қўйдими? Антони Мартиаль қай суратда бўлсада бир ҳилликни сақлашга сидқидилдан ҳаракат қиляпти ва муҳим бўлган голларни уряпти. Унинг ҳаракатларида ҳақиқий профессионал футболчидаги ҳислатларни кўриш мумкин. У қисқа вақтлар давомида ўзи учун тўланган суммани ортиғи билан оқлашига ишонамиз.
Мартиаль ўзи билан ван Гаал жамоасига янги иқтидор ва юқори даражавий ўйинни олиб келди. Биз эса ҳозирдан унга мухлислик қилмоқдамиз. Зеро, Антони «МЮ»нинг келажакдаги юлдузларидан бирига асосий давогар номзод!
Жесси ЛИНГАРД
Лингард 21 ёшга тўлганида клубдан узоқ кутган таклифни қўлга киритди. У майдонда атиги 24 дақиқа тўп сурди ва шу қисқа дақиқада Эшли Уильямс билан тўқнашиб жарощат олди. Академия клубларини бошқарадиган мураббийлар Лингард каби «ажина»га қарши курашиш дащмазасидан эртагина қутулишди. Жессининг тиззаси билан боғлиқ жарощати тўлиқ мавсумни тезда якунлашга мажбур қилди.
«Адашмасам, бу менинг хатоим бўлди, лекин шифокорларнинг яхши муносабатда бўлишгани ажлойиб таасурот қолдирди. Ушбу вазият ҳаётимда катта ўзгариш бўлишига сабабчи ҳолат деб ўйлайман. Фаолиятимдаги жиддий жароҳатни олиб бўлдим деб умид қиламан. Мени қўллаб-қувватлаган яқинларим ва дўстларга миннатдорчилик билдираман», - дейди Лингард.
«Олд Траффорд»да ЦСКАга қарши ўтган ЕЧЛ баҳсида 2марта майдонга тушиб Уэйн Рунининг голига ассистентлик қилди ва «қизил иблислар» мухлисларининг олқишига сазовор бўлди. Ван Гаал Жесси манзилига илиқ сўзлар билдирди ҳамда голландиялик мутахассис билан бирга жамоа мухлислари учрашувнинг энг яхши футболчиси сифатида айнан Лингардни эътироф этишди. Унутилмас лаҳзадан бир оз вақт ўтиб ёш иқтидор соҳиби «Вест Бромвич» дарвозасига АПЛдаги илк тўпини киритди.
Жесси, аслида, асосий таркибдан жой олиш учун ажойиб ишни амалга оширди. Жараёнга тўғри ёндашган вингер чинакам ҳарактер намойиш этмоқда. У ғалабага ташна «МЮ» мухлислари кўнглини тоғдек кўтариб ўзидан фақат ижобий таасурот қолдириб келяпти.
Ҳўш, "Манчестер Юнайтед"нинг навбатдаги юлдузи бўлишга қайси футболчи давогар Жесси Лингардми ёки Антони Мартиаль унутманг ўртада Мемфис Депай ҳам бор?
Албатта келажакни аввалдан таҳмин қилиш мушкул, бироқ ишонамизки, яқин вақт ичида айнан шу иқтидорлар "Манчестер Юнайтед"нинг ишончли футболчиларига айланишади.
Акмал ЭШОНХОНОВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
