Кучли бешлик чемпионатларида мавсум айни қизғин палласига кириб бормоқда. Биз Италия, Испания, Англия, Германия ва Франция чемпионатларидаги энг сермаҳсул ҳужум жуфтликлари ҳақида тўхталиб ўтамиз.
9-12. Оливе Жиру + Алексис Санчес (“Арсенал”) = 13 гол
“Канонирлар”нинг икки футболчиси ҳозирча умумий ҳисобда 13 та гол уришди. Франциялик Жиру 7, Чилилик Санчес эса 6 та голга муаллифлик қилган. Ушбу жуфтлик “Манчестер Сити”, “Манчестер Юнайтед”, “Ливерпуль” ва “Челси” дуэтларини орқада қолдирмоқда.
9-12. Эдер + Луис Муриэл (“Сампдория”) = 13 гол
“Сампдория” ҳужумчиси Эдер “А” серияда 9 марта рақиб посбонларини ранжитган бўлса, унинг шериги Луис Муриэл 4 та гол киритган. Генуяликлар Италия чемпионатида камтарона 12-ўринда боришмоқда.
9-12. Нолито + Яго Аспас (“Сельта”) = 13 гол
Виголиклар ушбу мавсумни жудаям кўтаринки руҳда бошлашди. Нолито 7, Яго Аспас эса 6 та гол урди. “Сельта” ушбу ҳужумчиларнинг хизматлари эвазига 5-ўринни эгаллаб турибди.
9-12. Хатем Бен Арфа + Валер Жермен (“Ницца”) = 13 гол
Франция чемпионатида 4-ўринда бораётган “Ницца” клубининг икки ҳужумчиси ҳисобида ҳам 13 та гол мавжуд. Хатем 7 ва Валер 6 марта дарвозаларни аниқ нишонга олишган.
7-8. Ромелу Лукаку + Аруна Коне (“Эвертон”) = 14 гол
“Эвертон” ҳар мавсумда кучли ҳужумчилари билан мақтаниб келган. Белгиялик Лукаку 9 та гол билан АПЛнинг иккинчи тўпурари бўлиб турибди. Унинг ҳужумдаги шериги Коне ҳисобида эса 5 гол бор.
7-8. Криштиану Роналду + Карим Бензема (“Реал Мадрид”) = 14 гол
Ушбу мавсумда Роналдунинг ўйинлари қовушмаяпти. Ўтган мавсумда ҳудди шундай пайтда португалияликнинг битта ўзи барча дуэтлардан кўпроқ гол урган эди. Бу мавсум эса… Ҳозирча Криштиану 8, Карим 6 та тўпни дарвозага аниқ жойлаб қўйишган.
6. Златан Ибрагимович + Эдисон Кавани (“ПСЖ”) = 16 гол
Иброҳимович айрим ўйинларни жароҳати боис ўтказиб юборган бўлса ҳам, 9 ўйинда 9 гол уриб Лига1 нинг энг яхши тўпурари бўлиб турибди. Кавани эса ҳозирча 7 гол киритган.
5. Гонсало Игуаин + Лоренцо Инсине (“Наполи”) = 17 гол
“Наполи” ушбу мавсумда 2-ўринда бормоқда. Игуаин 10 та гол киритган ҳолда чемпионат тўпурарлари сафида карвонбошилик қилмоқда. Инсине эса 7 гол билан бу рўйҳатнинг 4-ўринида бормоқда.
4. Варди + Рияд Махрез (“Лестер) = 20 гол
Мавсум кашфиёти бўлиб турган “Лестер”нинг икки ҳужумчиси АПЛ дарвзабонларининг оромини ўғирлашмоқда. Варди қаторасига 10 та ўйинда гол уриб, Ван Нистелройнинг рекордини такрорлади. У 13 та гол киритган. АПЛда хаттоки гранд жамоаларнинг ҳужум дуэтлари ҳам бунчалик гол уришмаган. Рияд Махрез 7 та гол урди. Бу дуэтнинг голлари сони 20 тани ташкил қилмоқда.
3. Обамеянг + Марко Ройс (“Боруссия” Дортмунд) = 22 гол
Кучли бешлик чемпионатлари орасида энг кўп гол урган футболчи Обамеянг бўлиб турибди. Унинг ҳисобида 15 та гол мавжуд. Марко Ройс эса 7 та гол киритган. Ушбу жуфтлик шундай серҳамсулликни давом эттирса янги мавсумни бошқа гранд жамоада бошлашлари ҳеч гап эмас.
2. Неймар + Луис Суарес (“Барселона”) = 23 гол
Мессининг жароҳат олиши Неймар ва Суарес учун катта имкониятларни очиб берди. Бразилиялик 12, уругвайлик эса 11 та гол уриб Премьеронинг энг сермаҳсул футболчилари бўлиб туришибди. Эътиборли жиҳати Месси ҳисобида ҳозирча 3 та гол бор.
1. Роберт Левандовски + Томас Мюллер (“Бавария”) = 26 гол
Кучли бешликнинг энг серҳамсул жуфтлиги “Бавария” футболчилари Левандовски ва Мюллер бўлиб туришибди. Полшалик ҳужумчи 14, немис ҳужумчиси эса 12 та голга муаллифлик қилган. Аҳамиятлиси мазкур дуэт Бундеслигадаги 16 та жамоадан ҳам кўп гол уришган.
Фурқат Юсупов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
