Игорь Сергеев – “Пахтакор”нинг 2015 йилдаги энг яхши футболчиси
Мамлакатимизнинг амалдаги чемпиони – Тошкентнинг “Пахтакор” клубига олтин медаллар топширилди.
Пойтахтимиздаги “Версал” ресторанида “Пахтакор”нинг йил якунларига бағишланган байрам тадбири ўтказилди ва унда “шерлар”га Олий Лига олтин медаллари топширилди. Футболимиз жамоатчилигининг кўплаб вакиллари иштирок этган мазкур тантанада “Пахтакор”нинг ортда қолаётган йилдаги энг яхши футболчиси ҳам тақдирланди.
Унга кўра, 2015 йилги мавсумда “Пахтакор”нинг етакчиларидан бирига айланган иқтидорли ҳужумчи Игорь Сергеев чемпион жамоанинг энг яхши футболчиси деб топилди. Миллий терма жамоамиз аъзосига совға сифатида "Gentra" автомобили топширилди.
Таъкидлаш жоиз, Игорь Сергеев ортда қолаётган йилда жами 50 дан ортиқ учрашувда майдонга чиқиб, 33 марта рақиблар дарвозасини ишғол қилди.
Манба: sports.uz
Киритилди: 00:15, 30.12.2015. Ўқилди: 3946 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар