Испания кубоги чорак финал босқичи доирасида бўлиб ўтган жавоб ўйинида "Барселона" "Атлетик"ни мағлуб этди ҳамда ярим финалга чиқди.
Каталонияликлар дастлабки ўйинда ғалаба (2:1) қозонганликларига қарамай, ўз уйларида кечган иккинчи баҳсда жиддий қаршиликка дуч келишди. Айниқса, 12-дақиқада бильбаоликлар ҳужумчиси Уильямс ҳисобни очганидан сўнг меҳмонларда умумий ғалаба бўлган ишонч ва иштиёқ пайдо бўлган бўлса, Энрике шогирдлари асабийлаша бошлашди. Натижада биринчи бўлим давомида "Барса" голга тортадиган вазият ярата олмади.
Иккинчи бўлимда "кўк-анорранглилар" ўз ўйинларини кучайтиришди. Бўлим бошида Луис Суарес ҳисобни тенглаштирди. "Атлетик" футболчилари эса биринчи бўлимда катта куч сарфлагани боис чарчаб қолишди. Натижада ўйин сўнгида Пике ва Неймар ўз ҳисобларига яна биттадан гол ёзишди — 3:1.
Кеча чорак финал босқичи доирасида яна бир ўйин бўлиб ўтди. Ўз майдонида "Сельта"ни қабул қилган "Атлетико", кутилмаганда, мағлубиятга учради. Виголиклар рақиб майдонида рақиб майдонида 3:2 ҳисобида ғалаба қозонишди. Дастлабки ўйинда ҳисоб очилмаганди.
Натижада "Барселона" ва "Сельта" клублари Испания кубогининг ярим финал йўлланмасини қўлга киритишди.
Испания кубоги, чорак финал, жавоб ўйинлари
Барселона – Атлетик 3:1 (0:1, 3:0)
Голлар: 0:1 – 12 Иньяки Уильямс, 1:1 – 53 Суарес, 2:1 – 81 Пике, 3:1 – 90 Неймар.
Барселона – тер Штеген, Пике, Матьё, Дани Алвес, Вермален (Бускетс, 70), Ракитич, Маскерано, Сержи Роберто, Неймар, Месси, Суарес.
Атлетик – Яго Эррерин, Лапорт, Иньиго Лекуэ, Баленсиага, Сан Хосе, Эрасо (Муниаин, 73), Микель Рико (Беньят, 57), Сусаета (Сабин Мерино, 57), Боведа, Адурис, Иньяки Уильямс.
Огоҳлантиришлар: Микель Рико (19), Баленсиага (39), Иньиго Лекуэ (52), Суарес (70).
Биринчи бўлим: 2:1
Атлетико – Сельта 2:3 (1:1, 1:2)
Голлар: 0:1 – 22 Эрнандес, 1:1 – 29 Гризманн, 1:2 – 56 Гвидетти, 1:3 – 64 Эрнандес, 2:3 – 81 Корреа.
Атлетико – Мойя, Хименес, Филипе Луис, Хуанфран, Годин, Сауль (Оливер Торрес, 63), Габи, Феррейра Карраско (Корреа, 59), Коке, Гризманн, Вьетто.
Сельта – Бланко (Альварес, 46), Кабраль, Кастро, Мальо, Гомес, Васс, Эрнандес, Радоя, Орельяна, Аспас, Гвидетти (Бовю, 81).
Огоҳлантиришлар: Вьетто (16), Гвидетти (35), Филипе Луис (68), Мальо (69), Габи (78), Коке (79).
Биринчи ўйин: 0:0
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
