Тобора хорижда тўп сураётган легионерларимиз сони ортиб бормоқда. Хусусан ўтган мавсумда олий лигада тўп сурган қатор ўйинчиларимиз эндиликда фаолиятларини хориж чемпионатларида давом эттиради. Қуйида шу легионерларимиз борасида сўз юритамиз.
Лутфулла Тўраев (Малайзия)
Йўналиш: “Локомотив”дан – “Фельда Юнайтед”га
Тўраев мавсум якунланиши биланоқ Малайзиядан тушган таклифни қабул қилди ҳамда “Фельда Юнайтед”га кўчиб ўтди. Бу клубда ўтган йилларда “Пахтакор”нинг собиқ ҳимоячиси Боян Миладинович тўп сурганди. Эндиликда Тўраев ушбу жамоада ўйнайди. Малайзия Супер-Лигасида янги мавсум 13 февралдан старт олади. Майдон марказида тўп учун курашларда жиддий қатнашадиган Лутфулла Тўраев хорижда ҳам ўзини яхши томонлама кўрсата олади.
Воҳид Шодиев (Малайзия)
Йўналиш: “Бунёдкор”дан – “Перак”га
Сўнгги йилларда Малайзия чемпионатида легионерларимиз сони ортиб боряпти. Хусусан Шодиев ҳам “Перак” билан шартнома тузди. Эътиборлиси, бу жамоа Воҳид Шодиев билан икки йиллик битим тузди. Қолаверса, Воҳид клубдаги дастлабки назорат учрашувидаёқ гол киритишни уддасидан чиқди. Кўриниб турибдики, у жамоага тез киришиб кетди. Ўйлаймизки, ҳамюртимиз бу чемпионатда кўплаб голларни кирита олади.
Ойбек Қиличев (Малайзия)
Йўналиш: “Пахтакор”дан – “Перак”га
“Перак” клубида яна бир ҳамюртимиз тўп суради. Бу Ойбек Қиличев ҳисобланади. “Пахтакор”да чиройли ўйинлари билан ном қозонган Ойбек ҳам “Перак” билан икки йиллик шартнома тузди. Эндиликда Воҳид Шодиев билан биргаликда бу жамоа сафида тўп суради. Умуман олганда, жорий йилда Малайзияда уч нафар ҳамюртимиз тўп суради.
Шохрух Гадоев (Баҳрайн)
Йўналиш: “Насаф”дан – “Муҳаррак”га
Иқтидорли футболчи Гадоев фаолиятини Баҳрайнда давом эттиради. Умуман олганда, “Муҳаррак” бу мамлакатнинг энг кучли жамоаларидан бири ҳисобланади. “Муҳаррак” Гадоевга қизиқиб қолди ва уни ўз сафига жалб қилди. Айтиш керакки, унинг бу клубдаги ишлари ҳам яхши бошланиб кетди. Дастлабки учрашувидаёқ Гадоев жамоаси ғалаба қозонишни уддасидан чиқди.
Санжар Турсунов (Қатар)
Йўналиш: “Ворскла”дан – “Умм Салал”га
Украинада ўйнаб, катта тажриба олган Санжар Турсунов эндиликда Қатар Юлдузлар Лигасида тўп суради. Албатта, Қатарда ҳам легионерларимиз сони ошаётганлиги қувонарли холдир. Турсунов ҳам “Умм Салал”да ишлари юришиб кетди. Дастлабки ўйиндаёқ у майдонда тўлиқ ҳаракат қилди. Лекин унинг жамоаси мағлубиятга учради.
Александр Лобанов (Эрон)
Йўналиш: “Пахтакор”дан – “Сепахон”га
Эронда дарвозабонларимиз ҳам тўп суришни бошлади. “Сепахон” Александр Лобановни ижарага олди. Эндиликда Саша Эронда тўп суряпти. Умуман олганда, бу дарвозабон фаолиятида кескин ўзгаришлар рўй берди. Тезда ўсишга эришди. Ниҳоят, легионер дарвозабонга ҳам айланди. Ўйлаймизки, у бу мамлакатда тўп суриш орқали катта тажрибага эга бўлади.
Егор Кримец (Хитой)
Йўналиш: “Пахтакор”дан - “Бейжинг Гуоан”га
“Бейжинг Гуоан” яна Кримецни ортга қайтаришни лозим топди. 2013 йилда ҳам ҳимоячимиз айнан шу жамоада ижара асосида тўп сурганди. Орадан бир неча йил ўтиб, Кримец бу клуб сафига келиб қўшилди. Янги жамоаси Кримец 27-рақамда тўп сурадиган бўлди. Умуман олганда, Кримец Хитойда ўйнаб, катта тажрибага эга бўлганди.
Sports.uz сайти легионерлар тўғрисида батафсил маълумот беришда давом этади. Сайтимиздан узоқлашманг.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
