Ҳеч кимга сир эмас, аргентиналик ва португалиялик етук ижрочи шу кунгача бир-биридан сира қолишмаган ҳолда, қатор-қатор рекордларни янгилади. Айниқса, тўпурарлик бобида. Лекин уларнинг ҳали чўққи томон интилишда давом этишлари учун асослар етарли. Хусусан, УЕФА байроғи остида ўтувчи турнирларга боғлиқ яна бир қатор голеадорлик натижалари ҳамон рекордлигича турибди. Демак, Лео ва Криштиану яқин вақт ичида ушбу «бўйсинмас» рекордларни ҳам «қулатиш»га ҳаракат қилишади. Хўш, гап қайси юқори кўрсаткичлар ҳақида кетяпти? Sovsport.ru сайтининг таҳлилий мақоласи шу ҳақда.
***
Чемпионлар кубоги|ЧЛ финалларидаги голлар сони - 7та. Рекорд соҳиблари - Альфредо ди Стефано ва Ференц Пушкаш (ҳар иккиси - «Реал»)
Гол урилган Чемпионлар кубоги|ЧЛ финаллари сони - 5та. Рекорд соҳиби - Альфредо ди Стефано («Реал» - 1956, 1957, 1958, 1959, 1960)
Чемпионлар кубоги|ЧЛнинг битта финалидаги голлар сони - 4та. Рекорд соҳиби - Ференц Пушкаш («Реал» - 1960)
ЧЛнинг битта финалидаги голлар сони - 2та. Рекорд соҳиблари - Даниэле Массаро («Милан» - 1994), Карл-Хайнц Ридле («Боруссия» Д. - 1997), Эрнан Креспо («Милан» - 2005), Филиппо Инзаги («Милан» - 2007), Диего Милито («Интер» - 2010)
Изоҳ. Месси ва Роналду 2тадан финалда 1тадан гол урган. Аргентиналик даҳоча 2009 ва 2011 йилларда финалчи дарвозасини ишғол этган бўлса, Криштиану 2008 йили «МЮ» ва 2014 йили «Реал» учун ҳал қилувчи баҳсда гол уриш уддасидан чиққан.
***
ЧЛ гуруҳ босқичидаги голлар сони - 53та. Рекорд соҳиби - Рауль («Реал» ва «Шальке»)
Чемпионлар кубоги|ЧЛ чорак финал ўйинларидаги голлар сони - 14та. Рекорд соҳиби - Альфредо ди Стефано («Реал»)
Чемпионлар кубоги|ЧЛ ярим финал баҳсларидаги голлар сони - 11та. Рекорд соҳиби - Альфредо ди Стефано («Реал»)
Изоҳ. Месси ва Роналду шу кунга қадар ЧЛ гуруҳ босқичида тегишлича 49 ва 47та гол урган.
***
Турли жамоалар билан ЧЛ ғолиби бўлиш - 3та клуб. Рекорд соҳиби - Кларенс Зеедорф («Аякс» - 1995, «Реал» - 1998, «Милан» - 2003, 2007)
ЧЛда турли жамоалар учун гол уриш - 6та клуб. Рекорд соҳиби - Златан Ибрагимович («Аякс», «Ювентус», «Интер», «Барселона», «Милан», «ПСЖ»)
Изоҳ. Бугунги қаҳрамонларнинг ушбу кўрсаткични янгилашлари эҳтимоли йўқ, ҳисоби. Зеро, Месси бутун фаолиятини «Барселона»да ўтказяпти, Роналду эса ҳозиргача ЧЛда атиги 2та клуб учун гол урган, холос.
***
ЧЛ финалида гол урган энг ёши катта футболчи. Рекорд соҳиби - Паоло Мальдини (36 ёшу 333 кунлик, «Милан»-«Ливерпуль», 2005 йил 25 май)
ЧЛ гуруҳ босқичида гол урган энг ёши катта футболчи. Рекорд соҳиби - Франческо Тотти (38 ёшу 59 кунлик, ЦСКА-«Рома», 2014 йил 25 ноябрь)
Чемпионлар кубоги|ЧЛда гол урган энг ёши катта футболчи Рекорд соҳиби - Манфред Бургсмюллер (38 ёшу 293 кунлик, «Вердер»-«Динамо» Берлин, 1988 йил 10 ноябрь
Изоҳ. Роналду ушбу рекордларни мавсум-2021|2022 охиригача янгилай олмайди. Лео Мессининг эса бу борада аввало, 2023|2024 йиллар мавсумини кутишига тўғри келади (агарда финал ўйини 23 майдан ке-йин ўтказилса)
***
ЧЛдаги энг тезкор гол. Рекорд соҳиби - Рой Макаай (10,52-сония, «Бавария»-«Реал», 2007 йил 7 март)
ЧЛ финалидаги энг тезкор гол. Рекорд соҳиби - Паоло Мальдини (53-сония, «Милан»-«Ливерпуль», 2005 йил 25 май)
ЧЛдаги энг тезкор «хет-трик». Рекорд соҳиби - Бафетимби Гомис (8 дақиқа, «Динамо» Загреб - «Лион», 2011 йил 7 декабрь)
ЧЛда кетма-кет қайд этилган «хет-трик»лар сони - 2та. Рекорд соҳиби - Луис Адриано (БАТЭ-«Шахтёр», 2014 йил 21 октябрь ва «Шахтёр»-БАТЭ, 2014 йил 5 ноябрь)
Изоҳ. Айни пайт ЧЛда «хет-трик»лар сони бўйича рекорд (5тадан) айнан Месси ва Роналдуга тегишли. Бироқ улар Гомиснинг кўрсаткичига яқинлашишмаган ҳам. Дейлик, Месси энг тезкор «хет-трик»и учун 22 дақиқа сарфлаган (2010 йили «Арсенал»га қарши ўйинда), Роналду эса жорий мавсум «Мальмё» билан баҳсда 12 дақиқа ичида 3та гол уришга муваффақ бўлди.
***
ЧЛда кетма-кет гол урилган мавсумлар сони - 14та. Рекорд соҳиби - Рауль
ЧЛда гол урилган мавсумлар сони - 16та. Рекорд соҳиби - Райан Гиггз
Еврокубокларнинг 1та мавсумида урилган голлар сони - 18та. Рекорд соҳиби - Радамель Фалькао («Порту», мавсум - 2010|2011)
ЧЛда кетма-кет гол урилган ўйинлар сони - 9та. Рекорд соҳиби - Рууд ван Нистелрой («МЮ», мавсум - 2002|2003)
Чемпионлар кубоги|ЧЛда 1та ўйинга тўғри келадиган ўртача гол сони - 0,97та. Рекорд соҳиби - Герд Мюллер («Бавария»)
УЕФА кубогида 1та ўйин учун тўғри келадиган ўртача гол сони - 0,90та. Рекорд соҳиби - Радамель Фалькао («Порту», «Атлетико»)
Изоҳ. Айни пайт Роналдунинг ЧЛдаги ўртача маҳсулдорлиги 0,71та голга тенг (125та ўйинда 89та гол). УЕФА байроғи остидаги турнирларни умумий олсак ҳам, ушбу кўрсаткичи ўзгармайди - 0,71та гол (128та ўйинда 91та гол). Мессининг бу борадаги натижаси бироз паст. У ЧЛда 102та ўйинда қатнашиб, 80та гол урган. Ўртача натижа - 0,78та гол. Энг қизиғи, Месси ҳам еврокубокларни умумий олганда, 1та ўйинда ўртача ҳисобда 0,78та гол ҳосил қилган (106та ўйинда 83та).
И.ОБИДОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
