Қишки трансфер мавсуми ҳам ўз ниҳоясига етди. Биз ушбу трансфер ойнасидаги энг қимматбаҳо трансферлар ТОП-10 лигини эътиборингизга ҳавола этамиз.
10. Беник Афобе. “Вулверхемптон” – “Борнмут”. 13,3 млн.евро
22 ёшли англиялик футболчи чемпионшип жамоасидан Премьер лигага йўл олди ва “Борнмут” клуби тарихидаги энг қиммат футболчига айланди. “Борнмут” Беник учун 13 млн.дан ортиқ бўлган маблағни аяб ўтирмади.
9. Андрос Тоунсенд. “Тоттенхэм” – “Ньюкасл”. 15,7 млн.евро
Англиянинг “Ньюкасл” клуби қишки трансфер ойнасида АПЛ клублари ичида энг кўп маблағ сарфаланаи бўлди. “Қарғалар” “Тоттенхэм”дан Тоунсендни сал кам 16 млн.еврога сотиб олишди. Андрос бу маблағларни қанчалик оқлашини яқин орада кўрамиз.
8. Жерсон. “Флуминенсе” – “Рома”. 16 млн.евро
Бразилиялик иқтидорли футболчи учун Европанинг бир нечта жамоалари давогарлик қилишди. Улар орасида “Рома” чаққонлик қилиб, уни 16 млн.евро эвазига ўз сафига қўшиб олди. Ана энди Жерсон оз маҳоратини апеннин ярим оролларида кўрсатишига тўғри келади.
7. Жоржио Шелви. “Суонси” – “Ньюкасл”. 16 млн.евро
“Ньюкасл”ни “пули кўпайиб” қолганини юқорида таъкидлаб ўтган эдик. “Қарғалар” 16 млн.га “Суонси” етакчиларидан бирини Шелвини ҳам харид қилишди. “Ньюкасл”да энди французлар эмас, балки инглиз футболчилари етакчилик қилишса ажаб эмас.
6. Умар Ниассе. “Локомотив” – “Эвертон”. 17,9 млн.евро
Москванинг “Локомотив” жамоасининг сенегаллик футболчиси деярли 18 млн.еврога Англия Премьер лигасига йўл олди. “Эвертон” шунча маблағ ажратганидан кейин, Умардан шунга яраша натижа кутади.
5. Жервиньо. “Рома” – “Хэбей Чайна Форчун". 18 млн.евро
“Арсенал” таркибида танилиб, кейинчалик Римнинг “Рома” жамаосида фаолият кўрсатган Жервиньо қишда Хитой чемпионатига кўчиб ўтди. “Хэбей Чайна Форчун" жамоаси Котд’Ивуарлик ҳужумчи учун 18 млн.евро тўлади.
4. Элексон. “Гуанжоу” – “Шанхай” 18,5 млн.евро
Бразилиялик футболчи Хитой ички футболи учун рекорд даражадаги трансфернинг амалга ошишига сабабчи бўлди. Элексонни “Гуанжоу”дан “Шанхай”га ўтиши 18,5 млн.еврога тушди. Хитой чемпионатида тўп сурувчи ҳеч бир футболчи бунчалик катта маблағ эвазига трансфер қилинмаган эди.
3. Женнел Имбула. “Порту” – “Сток Сити”. 24,25 млн.евро
“Порту” ҳар мавсум кучли футболчиларни етиштириб чиқариб, уларни катта маблағларга сотишни одат қилган. Португал ажамоаси қишки трансферда Имбулани АПЛга кузатиб қўйди. Албатта текинга эмас, сал кам 25 млн.евро эвазига! Бу “Сток Сити” тарихидаги рекорд трансфер сифатида тарих саҳифаларидан жой олди.
2. Рамирес. “Челси” – “Цзянсу Сайнти”. 28 млн.евро
Хитойнинг “Цзянсу Сайнти” жамоаси “Челси”нинг бразилиялик ярим ҳимоячиси Рамиресни 28 млн.га сотиб олиб, ўзига хос рекорд ўрнатган эди. Бироқ бу рекорд узоққа чўзилмади. Бу ҳақда кейинроқ. Хуллас “Челси”да сўнгги пайтларда ишончни йўқотган Рамирес ҳам энди фаолиятини Осиёда давом эттиради.
1. Жексон Мартинес. “Атлетико” – “Гуанжоу”. 42 млн.евро
Қишки трансферларнинг энг шов-шувли харидини ҳам Хитой клуби амалга оширди. Йўқ, “Гуанжоу” дунё даражасидаги бирор машҳур топ юлдузни сотиб олмади. Осиёликлар Мадриднинг “Атлетико”сида ўз ўйинини топа олмаётган Мартинесни сотиб олишди. Бунинг нимаси шов-шувли дерсиз. Гап шундаки Колумбиялик футболчи Осиё футболи учун рекорд бўлган сумма эвазига Хитой жамоаси таркибига қўшилди.
Фурқат Юсупов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
